თბილისი. კონსულტაციისა და ტრენინგის ცენტრი (CTC) წარმოგიდგენთ ვებ-გვერდს: Tvitmmartveloba.ge. „გვერდზე განთავსებულია ადგილობრივი თვითმმართველობის განვითარების მიმართულებით კონსულტაციის და ტრენინგის ცენტრის (CTC) მიერ შექმნილი პროდუქტები და სხვა დაკავშირებული რესურსები”. სრულად... წყარო: ორგანიზაციის გვერდი სოციალურ ქსელში

თბილისი. სახალხო დამცველმა გამოაქვეყნა სპეციალური ანგარიში „თვითმმართველი ორგანოების სოციალური და ჯანმრთელობის დაცვის პროგრამების შესაბამისობა თანასწორობის პრინციპთან“, რომელშიც მუნიციპალური პროგრამების ანტიდისკრიმინაციულ კანონმდებლობასთან შესაბამისობაა გაანალიზებული. „კვლევამ ცხადყო, რომ ადგილობრივი თვითმმართველობის პროგრამების ნაწილი მოსარგებლეთა წრის განსაზღვრისას სქესის, შეზღუდული შესაძლებლობის, ასაკის, ქორწინების სტატუსის და სხვა ნიშნით დისკრიმინაციულ კრიტერიუმებს იყენებს, რის შედეგადაც, რიგი ჯგუფები პროგრამით სარგებლობის მიღმა რჩებიან. ასევე, გვხვდება სხვადასხვა ჯგუფების მიმართ დისკრიმინაციის წამახალისებელი ტერმინები და რეგულაციები, რომელიც არსებულ სტიგმებს აძლიერებს. არის შემთხვევები, როდესაც თანაბარი საჭიროებების მქონე პირთაგან პროგრამაში მოსახვედრად შერჩევა ყოველგვარი დასაბუთების გარეშე ხდება“. სრულად... წყარო: ombudsman.ge

სამეგრელო. „საერთაშორისო გამჭვირვალობა - საქართველოს“ სამოქალაქო საბჭოების ადვოკატირების შედეგად, ზუგდიდში, ლაზის და დარასელიას ქუჩების მცხოვრებლებს 1 მაისიდან სამარშრუტო ტაქსი მოემსახურება. „ზუგდიდის მერიის ტრანსპორტის სამსახურის წარმომადგენლები სამოქალაქო საბჭოს წევრებს და ადგილობრივ მოსახლეობას 28 აპრილს შეხვდნენ და მგზავრობის ტარიფსა და გრაფიკზე შეთანხმდნენ. აღნიშნული ქუჩებისათვის საზოგადოებრივი ტრანსპორტის გამოყოფის მოთხოვნით ზუგდიდის მერიას 15 აპრილს მივმართეთ. მიმართვას ხელს 40 მოქალაქე აწერდა“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. განვითარებისა და დემოკრატიის ცენტრი (CDD) გიზიარებთ გზამკვლევს ადგილობრივი თვითმმართველობის განხორციელების პროცესში მოქალაქეთა ჩართულობის შესახებ.  მოქალაქეთა ჩართულობისთვის... „გადაწყვეტილების მიღების პროცესში მოქალაქეთა ჩართულობა დემოკრატიის ქვაკუთხედია და ძალიან ეფექტიანია ადგილობრივ თვითმმართველობასთან დაკავშირებული პროცესებისა და საკითხების გადაწყვეტის არსებითი გაუმჯობესებისათვის“, აღნიშნულია ნაშრომში. წყარო: ორგანიზაციის გვერდი სოციალურ ქსელში თვითმმართველობა

თბილისი. „საერთაშორისო გამჭვირვალობა - საქართველო” წარმოგიდგენთ ინფორმაციას 2017 წლიდან 2020 წლის დეკემბრის ჩათვლით ქუთაისის მუნიციპალიტეტის მიერ გაწეული ხარჯების შესახებ, რაც ჯამურად 22,551,848 ლარს შეადგენს.  კვლევაში თავმოყრილია ინფორმაცია გაცემული შრომის ანაზღაურების, ჯილდოს/პრემიის და სახელფასო დანამატის, ასევე ადმინისტრაციების მიერ სატელეფონო კომუნიკაციის, მივლინებების, საწვავის, ავტომობილების შეკეთება/დიაგნოსტიკისა და წარმომადგენლობითი ხარჯების შესახებ.  სრულად...   წყარო: ორგანიზაციის ვებგვერდი

თბილისი. 31 მარტსა და 1 აპრილს, ინფორმაციის თავისუფლების განვითარების ინსტიტუტმა (IDFI), კონსულტაციის და ტრენინგის ცენტრმა (CTC) და მმართველობითი სისტემების განვითარების ცენტრმა (MSDC) რეგიონული ორგანიზაციებისთვის ადგილობრივი თვითმმართველობის ინდექსის შესახებ ორდღიანი ონლაინ ტრენინგი ჩაატარეს. „ადგილობრივი თვითმმართველობის ინდექსი ხსენებული ორგანიზაციების ერთობლივი ინიციატივაა, რომელიც მუნიციპალიტეტების ანგარიშვალდებულებასა და გამჭვირვალობას აფასებს. ტრენინგი მიზნად ისახავდა პარტნიორი რეგიონული ორგანიზაციების წარმომადგნელებისთვის ინდექსის შეფასების მეთოდოლოგიის გაცნობას. მომავალში მათ ამ მეთოდოლოგიით მუნიციპალიტეტების აღმასრულებელი და წარმომადგენლობითი ორგანოები უნდა შეაფასონ“. სრულად... წყარო: idfi.ge

საქართველო. „ახალმა ეკონომიკურმა სკოლა - საქართველომ“, „ფრიდრიხ ნაუმანის ფონდ თავისუფლებისთვის“ სამხრეთ კავკასიის ოფისის მხარდაწერი, ჩაატარა ყოველწლიური სარეიტინგო კვლევა საქართველოს მუნიციპალიტეტებისთვის. კვლევა მოიცავდა ინფორმაციას იმის შესახებ, თუ რას აკეთებენ მუნიციპალიტეტები მოსახლეობისთვის, მეწარმეებისთვის, რამდენად ეფექტიანები არიან თავიანთ საქმიანობაში. პროექტის ამოცანაა შეიმუშაოს მექანიზმი, რომლის საშუალებითაც შესაძლებელი იქნება მუნიციპალიტეტის საქმიანობაზე დაკვირვება; ეკონომიკური, სოციალური, გარემოსდაცვითი და სხვა სფეროებზე გავლენის შესწავლა; შეფასება და ურთიერთშეფასება; შეჯიბრებითობის წახალისება. სრულად...  წყარო: გვერდი სოციალურ ქსელში

თბილისი. ორგანიზაცია „ახალგაზრდა ადვოკატები“ ქალაქ თბილისის მუნიციპალიტეტში, ელიავას ბაზრობის ტერიტორიის რევიტალიზაციის კონცეფციის შემუშავების მიზნით გამოცხადებულ კონკურსს ეხმაურება.  ორგანიზაცია ქალაქ თბილისის მუნიციპალიტეტის მერიას პროცესის სიცხადისკენ მოუწოდებს, - „საკონკურსო წინადადების შესყიდვის მიზნით ბიუჯეტიდან გამოყოფილი 678 500,00 ლარი უნდა მიიღოს შემსრულებელმა კომპანიამ, რომელმაც საპროექტო ობიექტის მნიშვნელოვან ნაწილზე - 51,593 კვ.მ ფართზე უკვე მოამზადა მრავალფუნქციური კომპლექსის განაშენიანების რეგულირების გეგმა, აღნიშნული დოკუმენტის დამტკიცებაზე არსებობს კანონიერ ძალაში შესული თბილისის საქალაქო სასამართლოს გადაწყვეტილება, რაც არ აღსრულებულა, ელიავას ბაზრობის ტერიტორიის რევიტალიზაციის კონცეფციის შემუშავების მიზნით გამოცხადებული კონკურსი კი ეყრდნობა საფუძვლებს, რომელიც წარმოადგენს სასამართლოს წესით დავის საგანს და თბილისის საქალაქო სასამართლოში მიმდინარეობს სამართალწარმოების პროცესი“.  სრულად...   წყარო: ორგანიზაციის ვებგვერდი

სამეგრელო-ზემო სვანეთი. „საერთაშორისო გამჭვირვალობა - საქართველო” სამოქალაქო საბჭოების მიერ 2019-2020 წლებში სამეგრელოში გაწეული სამუშაოების შედეგებს აქვეყნებს. ორგანიზაციის მიერ გავრცელებული ინფორმაციის მიხედვით, ზუგდიდსა და ხობში ჩვენი სამოქალაქო საბჭოების მიერ გამოვლენილი საჭიროებებიდან უმეტესობა ქალაქებისა და სოფლების სხვადასხვა უბანში გზის საფარის მოწესრიგებას, მუნიციპალური ტრანსპორტის რაოდენობის დამატებას, წყალმომარაგების სამუშაოების ჩატარებას, სარეკრეაციო ზონების, საბავშვო ატრაქციონების განახლებას და სათამაშო მოედნების კეთილმოწყობას, ნაგავშემკრები კონტეინერების რაოდენობის გაზრდას, გარეგანათების ბოძების მოწესრიგებას, სოფლებში არსებული სასაფლაოების შემოღობვას ეხებოდა. სრულად...  წყარო: ორგანზიაციის ვებგვერდი

სამცხე-ჯავახეთი. საერთაშორისო გამჭვირვალობა - საქართველო სამოქალაქო საბჭოების მიერ სამცხე-ჯავახეთში 2019-2020 წლებში გაწეული მუშაობის შედეგებს აქვეყნებს. „საერთაშორისო გამჭვირვალობა - საქართველოს სამოქალაქო საბჭოებს სამცხე-ჯავახეთში მცხოვრები აქტიური მოქალაქეები 2019 წელს შემოუერთდნენ. ამავე წელს, მათ ახალციხესა და მიმდებარე სოფლებში, ჯამში 14 დასახლებაში 30-მდე ინფრასტრუქტურული საჭიროება გამოავლინეს: პრობლემური იყო როგორც საბავშვო ბაღებში არსებული ვითარება, სარწყავი წყლის მიწოდების სისტემის, გარეგანათების, სოფლის შიდა გზების გაუმართაობა, ასევე ახალციხეში ტროტუარების, ბორდიურების, შუქნიშნების მოუწესრიგებლობა“, - აცხადებს ორგანიზაცია. სრულად...  წყარო: ორგანზიაციის ვებგვერდი

საქართველო. კონსულტაციის და ტრენინგის ცენტრმა „ადგილობრივი თვითმმართველობის ინდექსი -2021” -ზე მუშაობა დაიწყო. ინდექსი დღეს უკვე კარგად ცნობილი და ქვეყანაში აღიარებული ინსტრუმენტია, რომელიც სწავლობს და აფასებს საქართველოს მუნიციპალური ხელისუფლების გამჭვირვალობის, მოქალაქეთა მიმართ ანგარიშვალდებულებისა და გადაწყვეტილების მიღების პროცესში მოსახლეობის მონაწილეობის ხარისხს. მოსამზადებელი სამუშაოების შემდეგ, გაზაფხულზე დაიწყება ყველა თვითმმართველი ორგანოს შეფასება; შეფასების შედეგებზე დაყრდნობით 2021 წლის მუნიციპალიტეტების ღიაობის და ანგარიშვალდებულების ეროვნული ანგარიში მომზადდება და ფართო საზოგადოებისთვის ხელმისაწვდომი გახდება სექტემბერში. სრულად...  წყარო: ორგანიზაციის ვებგვერდი

იმერეთი. საერთაშორისო გამჭვირვალობა - საქართველო იმერეთის სამოქალაქო საბჭოების მიერ 2019-2020 წლებში გაწეული მუშობის შედეგებს აქვეყნებს. „ქუთაისში საზოგადოებრივი ტრანსპორტის სისტემის გამართვა, წყალტუბოს, ტყიბულის სოფლებში სასმელი წყლის მიწოდებისა და გარე განათების ბოძების მოწესრიგება, გზის საფარის რეაბილიტაცია და დაგება სხვადასხვა მუნიციპალიტეტებში, - ეს მცირე ჩამონათვალია იმ განხორციელებული პროექტებიდან, რომელთა ადვოკატირებაც შესაბამისი მუნიციპალიტეტების წინაშე „საერთაშორისო გამჭვირვალობა - საქართველოს” სამოქალაქო საბჭოები წევრებს უკავშირდება. 2019 წელს ჩვენი საბჭოების წევრებმა იმერეთში 38 პრობლემა მოიკვლიეს, ადგილობრივმა თვითმმართველობებმა კი 2020 წელს 15 მათგანი მოაგვარეს მუნიციპალური ბიუჯეტების რესურსებით“, - აღნიშნულია ორგანზიაციის მიერ გამოქვეყნებულ ინფორმაციაში. სრულად...  წყარო: ორგანიზაციის ვებგვერდი

თბილისი. ევროპის საბჭოს რეგიონული პროექტის, „ადგილობრივი ხელისუფლებისთვის ინსტიტუციონალური ჩარჩოების გაძლიერება“, ფარგლებში, ინფორმაციის თავისუფლების განვითარების ინსტიტუტმა ადგილობრივი მმართველობის ორგანოებში დასაქმებული პირებისათვის შეიმუშავა საჯარო სახელმძღვანელო გამჭვირვალობისა და მოქალაქეთა ჩართულობის შესახებ. ორგანიზაციის განცხადებით, სახელმძღვანელო შედგება ოთხი თავისგან და მოიცავს საჯარო სამსახურსა და ადგილობრივი მმართველობის ორგანოებთან დაკავშირებულ ისეთ უმნიშვნელოვანეს საკითხებს როგორიცაა: ეთიკის ნორმების დაცვა და ანგარიშვალდებულება, კორუფციის რისკები, გამჭვირვალობა და მოქალაქეთა ჩართულობა გადაწყვეტილების მიღების პროცესში. თემატიკის განმარტების მიზნით სახელმძღვანელოში მრავლად არის გამოყენებული ქართული პრაქტიკული მაგალითები. ამავდროულად, დაინტერესებული მკითხველისთვის თითოეული ქვეთავის განხილვისას მოცემულია მარეგულირებელი და სარეკომენდაციო საერთაშორისო დოკუმენტაციის ჩამონათვალი, რაც თითოეულ საკითხთან დაკავშირებით იძლევა დამატებითი ინფორმაციის მიღების შესაძლებლობას. სრულად...  წყარო: ორგანიზაციის ვებგვერდი

აჭარა. საერთაშორისო გამჭვირვალობა - საქართველო სამოქალაქო საბჭოების მიერ 2019 წელს აჭარაში გამოვლენილ პრობლემებსა და მათ მოსაგვარებლად გაწეული მუშაობის შედეგებს აქვეყნებს.  შედეგების მიხედვით, - აჭარაში გამოვლენილი 43 პრობლემიდან 25 მოგვარებულია ან მომზადებულია საპროექტო წინადადებები. აჭარის მაღალმთიანი დასახლებებისთვის სასიცოცხლოდ მნიშვნელოვანია: შიდა გზების დაგება, მნიშვნელობისაა სოფლებში სასმელი და სარწყავი წყლების სისტემების მოწესრიგება, სკოლების ინფრასტრუქტურისგან განსხვავებით, საბავშვო ბაღების რეაბილიტაცია სრულად არის ადგილობრივი მუნიციპალიტეტების კომპეტენცია, შესაბამისად, მწირი რესურსების გათვალისწინებით, ბევრ საბავშვო ბაღში ვერ ხერხდება სარეაბილიტაციო სამუშაოების ჩატარება და ა.შ.  სრულად...  წყარო: ორგანიზაციის ვებგვერდი

თბილისი. ადამიანის უფლებების სწავლებისა და მონიტორინგის ცენტრმა (EMC) ხულოს, შუახევისა და ქედის, ასევე ბოლნისის, მარნეულის, წალკისა და ახმეტის მუნიციპალიტეტებს ადგილობრივი თვითმმართველობის ბიუჯეტის მიღების პროცესში პრიორიტეტული რეკომენდაციებით და ზოგიერთ შემთხვევებში ადგილობრივ ორგანიზაციებთან და ერთობებთან ერთად, საბიუჯეტო ინიციატივებით მიმართა. „წარდგენილი რეკომენდაციები ამ რელიგიური და ეთნიკური თვალსაზრისით მრავალფეროვან მუნიციპალიტეტებში უფრო ინკლუზიური, სამართლიანი და სოციალურად მგრძნობიარე პოლიტიკური და სოციალური გარემოს შექმნის ხელშეწყობას ისახავს მიზნად“. სრულად... წყარო: emc.org.ge

თბილისი. „აღმოსავლეთ ევროპის ცენტრი მრავალპარტიული დემოკრატიისათვის“ (EECMD) აქვეყნებს პოლიტიკის დოკუმენტს: ადგილობრივ თვითმმართველობაში მოქალაქეთა მონაწილეობის თანამედროვე გამოწვევები. პუბლიკაცია მომზადებულია პროექტის - „რეგიონების უზრუნველყოფა ინფორმაციით და ამომრჩეველთა გაძლიერება დემოკრატიისთვის“ ფარგლებში. დოკუმენტი სრულად... წყარო: eecmd.org

თბილისი. პირველამდე ნინო არაზაშვილთან ერთად წარმოგიდგენთ სამოტივაციო ფილმს „გადადგი ნაბიჯი“. ფილმში კონსულტაციისა და ტრენინგის ცენტრის (CTС) „სამოქალქო ლიდერობის“ სასწავლო პროგრამის მონაწილეები გვიყვებიან იმ საქმიანობებზე და ცვლილებებზე, რომელსაც საკუთარ თემში, დასახლებაში თუ ქალაქში ახორციელებენ უკეთესი გარემოს შესაქმნელად. ფილმი მომზადდა პროექტის „სამოქალაქო საზოგადოების განვითარების ინიციატივა“ ფარგლებში.  სრულად... წყარო: პროექტის „სამოქალაქო საზოგადოების განვითარების ინიციატივა“ გვერდი სოციალურ ქსელში

თბილისი. 4 დეკემბერს, IDFI-იმ გორის, ზუგდიდის, თელავის, ლაგოდეხისა და სენაკის მუნიციპალიტეტების მერიებისა და საკრებულოების თანამშრომლებისთვის ღია მონაცემების განკარგვისა და გამოქვეყნების საკითხებზე ონლაინ ტრენინგი ჩაატარა. „სწავლება მიზნად ისახავდა საჯარო მოხელეთა ცნობიერების ამაღლებას მონაცემების შეგროვების, წარმოებისა და გამოქვეყნების საკითხებზე, რაც დაეხმარებათ მუნიციპალურ ორგანოებს გააუმჯობესონ ღია მონაცემების ხელმისაწვდომობის პრაქტიკა“. სრულად... წყარო: idfi.ge

თბილისი. „საერთაშორისო გამჭვირვალობა - საქართველოს” სამოქალაქო საბჭოების წევრებმა ახალციხესა და ადიგენში 40-ზე მეტი ინფრასტრუქტული პრობლემა/საჭიროება გამოავლინეს. „სოფლების დიდ ნაწილში პრობლემურია შიდა საუბნო გზების, სანიაღვრე არხების არსებული მდგომარეობა, გარეგანათებისა და სასმელი და სარწყავი წყლის სისტემების გაუმართაობა, ახალციხესთან დამაკავშირებელ გზაზე კლდოვანი მასიდან ქვათა ცვენა და ა.შ. ქალაქის ნაწილში კი ქვეითთა გადასასვლელები და ტროტუარებია გასაახლებელი, ზოგან კი მოსაწყობი; დასანიშნია მუნიციპალური ტრანსპორტი ქალაქის რამდენიმე უბანში, ბევრგან საზოგადოებრივი ტრანსპორტის მოსაცდელია დასამონტაჟებელი“, ნათქვამია ორგანიზაციის გვერდზე სოციალურ ქსელში. სრულად... წყარო: transparency.ge

თბილისი. საქართველოს სტრატეგიული კვლევებისა და განვითარების ცენტრის ინფორმაციით, მუნიციპალიტეტის მერს და მუნიციპალიტეტის საკრებულოს წევრს გაწეული მუშაობის შესახებ ანგარიშების წარდგენას კანონი ავალდებულებს. „ასევე, კანონი მოითხოვს, რომ მუნიციპალიტეტის ორგანოებმა გამოაქვეყნონ, მინიმუმ მათივე ოფიციალურ ვებ-გვერდზე, მუნიციპალიტეტის მერის და საკრებულოს წევრების მიერ გაწეული მუშაობის შესახებ ანგარიშები, შესაბამისი ანგარიშის წარდგენიდან 10 დღის ვადაში; მოქალაქეების ჩართულობა ადგილობრივი თვითმმართველობის საქმიანობაში აძლიერებს ქვეყანას. საქართველოს სტრატეგიული კვლევებისა და განვითარების ცენტრი ახორცილებს პროექტს ადგილობრივ თვითმმართველობის განხორციელებაში მოქალაქეთა მონაწილეობის უზრუნველყოფის ხელშეწყობა. პროექტის მხარდამჭერია ფრიდრიხ ებერტის ფონდის წარმომადგენლობა საქართველოში“, ნათვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. კონსულტაციისა და ტრენინგის ცენტრმა (CTC) ახალი ვებ-გვერდი შექმნა - www.tvitmmartveloba.ge. „აქ წარმოდგენილია ადგილობრივი თვითმმართველობის განვითარების მიმართულებით CTC -ის საქმიანობა, მისი პროდუქტები და შექმნილი რესურსები“. სრულად... წყარო: ორგანიზაციის გვერდი სოციალურ ქსელში

შიდა ქართლი. საქართველოს ახალგაზრდა იურისტთა ასოციაციის გორის ოფისი სამართლებრივ დახმარებას უწევდა ცხინვალიდან იძულებით გადაადგილებულ ოჯახს, რომელსაც სახელმწიფო საცხოვრებლით დაკმაყოფილებაზე უარს ეუბნებოდა. საიას ინფორმაციით, დევნილმა ოჯახმა დავა სამივე ინსტანციის სასამართლოში მოიგო და საბოლოოდ, საცხოვრებელი სახლი გადაეცა. სრულად... წყარო: gyla.ge