თბილისი. გაეროს ქალთა ფონდის ინფორმაციით, გენდერული ძალადობის წინააღმდეგ 16-დღიან კამპანიას ადგილობრივი თვითმმართველობები შეუერთდნენ და თემატურ ღონისძიებებს მართავენ.  „მათ შორისაა საინფორმაციო შეხვედრები და მედიააქტივობები, რომლებიც ათობით მუნიციპალიტეტში უკვე მიმდინარეობს. აღსანიშნავია, რომ ადგილობრივ თვითმმართველობათა ეროვნულმა ასოციაციამ, რომელიც კამპანიას უწევს კოორდინირებას, მისი ეფექტიანად განხორციელებისთვის დეტალური გზამკვლევიც შეიმუშავა“. სრულად... წყარო: ორგანიზაციის გვერდი სოციალურ ქსელში

სამეგრელო. საერთაშორისო გამჭვირვალობა - საქართველოს ინფორმაციით, ზუგდიდის მუნიციპალიტეტის 2017 წლის მოწვევის საკრებულომ გადაწყვიტა, ახალი საკრებულოს უფლებამოსილების ცნობამდე, დაჩქარებული წესით განიხილოს ზუგდიდის 2022 წლის ბიუჯეტის პროექტი და მიიღოს იგი. ორგანიზაციის შეფასებით, 2017 წლის მოწვევის საკრებულოს აღნიშნული ნაჩქარევი გადაწყვეტილება საგულისხმო პრობლემებს შეიცავს. „ზუგდიდის მერის მოვალეობის შემსრულებლისა და 2017 წლის მოწვევის საკრებულოს ნაჩქარევი გადაწყვეტილება ხელს უშლის ახალარჩეულ საკრებულოს, რომ შეასრულოს თავისი ფუნქცია. ეს დღეს ზუგდიდის საკრებულოს სხდომათა დარბაზში გააპროტესტა ახალარჩეული საკრებულოს 4 წევრმა „ერთიანი ნაციონალური მოძრაობიდან”, თუმცა ისინი სხდომათა დარბაზიდან საპატრულო პოლიციამ ძალის გამოყენებით გააძევა. მნიშვნელოვანია, ცენტრალურმა საარჩევნო კომისიამ დროულად დანიშნოს ახალი მოწვევის საკრებულოს პირველი სხდომა, რათა მას მიეცეს საქმიანობის წარმართვის, მათ შორის 2022 წლის ბიუჯეტის პროექტის განხილვისა თუ დამტკიცების შესაძლებლობა, და ახალარჩეული საკრებულოს წევრები სრულფასოვნად ჩაერთონ პროცესებში“, ნათქვამია ორგანიზაციის გვერდზე სოციალურ ქსელში.  სრულად...  წყარო: ორგანიზაციის გვერდი სოციალურ ქსელში

გურია. სოფელ ლაითურის მოსახლეობას გაეროს მუდმივი კოორდინატორი საქართველოში საბინე მახლი, გაეროს ქალთა ორგანიზაციის წარმომადგენელი საქართველოში კაორი იშიკავა და მწერალი ეკატერინე ტოგონიძე ესტუმრნენ. „გაეროს ქალთა ორგანიზაციისა და ნორვეგიის მთავრობის მხარდაჭერით, 2018 წლიდან ადგილობრივმა ქალებმა ლაითურში პირველი საცხობი, კაფე და სოკოების საწარმო გახსნეს და სოფელს ახალი სიცოცხლე შესძინეს. ახლა მათ უკვე ადგილობრივი არასამთავრობო ორგანიზაცია აქვთ და თემის საკეთილდღეოდ არაერთი ინიციატივის განხორციელებას აპირებენ. ინიციატივა განხორციელდა გაეროს ერთობლივი პროგრამის „გენდერული თანასწორობისთვის საქართველოში“ ფარგლებში შვედეთის მთავრობის დაფინანსებით. სრულად... წყარო: ორგანიზაციის გვერდი სოციალურ ქსელში

თბილისი. ახალგაზრდობის სააგენტოს ინფორმაციით, ფორუმი მუნიციპალური ახალგაზრდობის პოლიტიკის შესახებ დასრულდა. „ფორუმის მიზანია მუნიციპალური ახალგაზრდობის პოლიტიკის და მისი პრინციპების - უფლებებზე დაფუძნებული მიდგომების და ახალგაზრდების მონაწილეობის პოპულარიზაცია და ხელშეწყობა“. სრულად... წყარო: ორგანიზაციის გვერდზე სოციალურ ქსელში

თბილისი. 9 ნოემბერს, „საქართველოს ახალგაზრდა იურისტთა ასოციაციამ“ ონლაინ პანელური დისკუსია გამართა: „2021 წლის ადგილობრივი თვითმმართველობის არჩევნების გავლენა საქართველო-ევროკავშირის ურთიერთობაზე“. სრულად... წყარო: gyla.ge

თბილისი. საქართველოს ახალგაზრდა იურისტთა ასოციაციამ (საია) 2021 წლის ადგილობრივი თვითმმართველობის არჩევნების გრძელვადიანი სადამკვირვებლო მისიის მე-3 შუალედური ანგარიში მოამზადა. ანგარიშის თანახმად, „კვლავ გამოწვევად რჩება სავარაუდოდ პოლიტიკურად მოტივირებული ძალადობრივი ქმედებები, როგორც ორ ოქტომბრამდე, ასევე შემდეგაც. მეორე ორე ტურის წინასაარჩევნო პერიოდში საიამ აღწერა პოლიტიკური პარტიებისთვის წინასაარევნო კამპანიის წარმოებაში ხელშეშლის ორი შემთხვევა. სააანგარიშო პერიოდში გამოვლინდა სააგიტაციო მასალის დაზიანების ფაქტები, რომელიც მიმართული იყო როგორც მმართველი პარტიის ისე ოპოზიციის წინააღმდეგ“. სრულად... წყარო: gyla.ge

თბილისი. საქართველოს პოლიტიკის ინსტიტუტი (GIP) აქვენებს ნინო სამხარაძის ბლოგპოსტს: საქართველო დემოკრატიზაციის ჰორიზონტზე: რატომ არის 2021 წლის არჩევნები მეტი, ვიდრე თვითმმართველობის არჩევნები. „ოქტომბრის თვითმმართველობის არჩევნები 2021 წელს გაცილებით მნიშვნელოვანი პოლიტიკური მოვლენაა, ვიდრე ოდესმე. საქართველოს განსაკუთრებით სჭირდება, რომ, ბოლოდროინდელი დემოკრატიული უკუსვლის ფონზე, ნებისმიერი შანსი გამოიყენოს ძლიერი დემოკრატიული ინსტიტუტების, ჯანსაღი პოლიტიკური კულტურის გასავითარებლად. წინააღმდეგ შემთხვევაში, ქვეყანა როგორც შიდაპოლიტიკური, ისე საგარეოპოლიტიკური განვითარების ორივე ფრონტზე ფუნდამენტური პრობლემების წინაშე აღმოჩნდება“. სრულად... წყარო: gip.ge

თბილისი. საქართველოს ახალგაზრდა იურისტთა ასოციაციამ (საია) 2021 წლის ადგილობრივი თვითმმართველობის არჩევნების გრძელვადიანი სადამკვირვებლო მისიის მე-2 შუალედური ანგარიში მოამზადა. „საიამ აღირცხა როგორც „ქართული ოცნების“, ისე ზოგიერთი ოპოზიციური პარტიისა და დამოუკიდებელი კანდიდატის სასარგებლოდ ამომრჩევლის მოსყიდვის, აგიტაციაში უკანონო მონაწილეობისა და ადმინისტრაციული რესურსის გამოყენების შემთხვევები. გამოწვევად რჩება ხელისუფლების პროექტების პერსონოფიცირება და პარტიასთან აფილირება, რაც შლის ზღვარს სახელმწიფოს და პარტიას შორის“. სრულად... წყარო: gyla.ge

თბილისი. ინფორმაციის თავისუფლების განვითარების ინსტიტუტი (IDFI) მიესალმება მუნიციპალიტეტების აქტიურობას ღია მმართველობის პარტნიორობის ფარგლებში და მათი მხრიდან მზაობას, გაატარონ ცალკეული რეფორმები. „მნიშვნელოვანია, რომ დანერგილ ცვლილებებს, მიღებულ სტრატეგიებსა თუ ნებისმიერ რეფორმას მუნიციპალიტეტების ხელმძღვანელობის მხრიდან ჰქონდეს სათანადო პოლიტიკური მხარდაჭერა და ეფექტური კოორდინაცია. ამავდროულად, აუცილებელია მუნიციპალიტეტის მხრიდან ცალკეული რეფორმებისა თუ ინიციატივების ფინანსური თუ ადამიანური რესურსების გამოყოფა, რადგან მათი შედეგების მდგრადობა დამოკიდებული არ იყოს მხოლოდ გარე აქტორების მხარდაჭერაზე“. სრულად... წყარო: idfi.ge

თბილისი. კამპანიის, „პირველად თვითმმართველობის არჩევენებზე“ ფარგლებში, 9 და 10 სექტემბერს ბათუმის, შუახევის, ხელვაჩაურის, ოზურგეთის, ჩოხატაურისა და გორის მუნიციპალიტეტებში მცხოვრებ ახალგაზრდებთან ონლაინ შეხვედრა გაიმართა. შეხვედრის მიზანი იყო ახლაგაზრდებისთვის, განსაკუთრებით მათთვის, ვისთვისაც 2021 წლის თვითმმართველობის არჩევნები პირველი არჩევნებია ნათელი გამხდარიყო თვითმმართველობის არსი, კომპეტენციები, მოქალაქეთა მონაწილეობის ფორმები და საარჩევნო პროცედურები.  კამპანია, „პირველად თვითმმართველობის არჩევენებზე“ სხვადასხვა ეტაპს მოიცავს და ემსახურება ახალგაზრდების პიროვნულ განვითარებას, მათი როლის გაძლიერებას და ადგილობრივი თვითმმართველობის საქმიანობაში მონაწილეობის სტიმულირებას. კამპანია ხორციელდება „სამოქალაქო საზოგადოების ინსტიტუტის“ (CSI) მიერ პროექტის, „ადგილობრივი განვითარების აქტორებს შორის მყარი კავშირების დამყარება“ (მეორე ფაზა) ფარგლებში, გერმანული ორგანიზაცია „პური მსოფლიოს“ მხარდაჭერით და სამიზნე მუნიციპალიტეტებში არსებულ ახალგაზრდულ ცენტრებთან და „ინოვაციების და სამოქალაქო განვითარების ცენტრ - პროგრესის სახლთან“ პარტნიორობით.  სრულად...   წყარო: ორგანიზაციის ვებგვერდი

თბილისი. „საერთაშორისო გამჭვირვალობა - საქართველომ” ბათუმის, ზუგდიდის, ფოთის, ქუთაისის და ახალციხის 2017 წლის მოწვევის საკრებულოების საქმიანობა ორჯერ შეაფასა. როგორც ორგანიზაციაში აცხადებენ, ამ კვლევებმა აჩვენა, რომ ყველა საკრებულოში გამოვლენილი პრობლემები თითქმის იდენტურია. „2 ოქტომბრის ადგილობრივი თვითმმართველობის არჩევნების წინ გთავაზობთ ჩვენს მიერ გამოვლენილი პრობლემების მიმოხილვას და რეკომენდაციებს. მიგვაჩნია, რომ მათი გააზრება დაეხმარება 2021 წლის მოწვევის საკრებულოებს მათთვის დაკისრებული ფუნქციებისა და მოვალეობების შესრულებაში. საკრებულოს უმნიშვნელოვანესი როლი აკისრია ადგილობრივი თვითმმართველობის განხორციელების პროცესში - იგი განსაზღვრავს მუნიციპალიტეტის განვითარების ძირითად მიმართულებებს, აკონტროლებს აღმასრულებელი ორგანოს და თანამდებობის პირთა საქმიანობას და იღებს გადაწყვეტილებებს ადგილობრივი მნიშვნელობის საკითხებზე“, - წერია ორგანიზაციის მიერ გავრცელებულ ინფორმაციაში. სრულად...  წყარო: ორგანიზაციის ვებგვერდი

UNDP-ის სწრაფი განვითარების ლაბორატორია ხელს შეუწყობს ნარჩენების დახარისხების პრაქტიკის დანერგვას ბათუმსა და თბილისში... გაეროს განვითარების პროგრამამ (UNDP) ხელი მოაწერა შეთანხმებებს ბათუმისა და თბილისის მუნიციპალიტეტებთან, რომელთა ფარგლებში UNDP ხელს შეუწყობს ნარჩენების მართვის პრაქტიკის დანერგვასა და ცხოვრების მდგრადი სტილის პოპულარიზაციას. პროექტი განხორციელდება UNDP-ის სწრაფი განვითარების ლაბორატორიის მეშვეობით. სრულად...  ყარო: ორგანიზაციის ვებგვერდი

თბილისი. ინფორმაციის თავისუფლების განვითარების ინსტიტუტის (IDFI) ინფორმაციით, მუნიციპალიტეტებში მერის ანაზღაურება 2,600 ლარიდან 4,500 ლარამდე (ხელზე მისაღები 2,080 ლარიდან - 3,600 ლარამდე) მერყეობს. „წინამდებარე სტატიაში მიმოხილულია დღეის მდგომარეობით მუნიციპალიტეტების მერებისთვის თანამდებობრივი სარგოს განსაზღვრის არსებული პოლიტიკა, საკანონმდებლო რეგულაციები და პრემიერ-მინისტრის მიერ წინასაარჩევნოდ გაჟღერებული დაპირების მიზანშეწონილობა. პრემიერ-მინისტრის დაპირება მერების ხელფასების გაორმაგებასთან დაკავშირებით, იმ პირობებში როდესაც კანონმდებლობა არ უზღუდავს მათ დამოუკიდებლად მიიღონ მსგავსი გადაწყვეტილება, ცალსახად მიანიშნებს თვითმმართველობებში დეცენტრალიზაციის არსებულ პრობლემებზე“. სრულად... წყარო: idfi.ge

სამცხე-ჯავახეთი. 6 აგვისტოს, „საერთაშორისო გამჭვირვალობა - საქართველომ“, ბორჯომის მუნიციპალიტეტის მერიისა და საკრებულოს წარმომადგენლებისთვის გამართა ტრენინგი შემდეგ საკითხებზე: საქართველოს ადგილი ევროკავშირის პოლიტიკაში - სამეზობლო პოლიტიკა-აღმოსავლეთის პარტნიორობა და ასოცირების ხელშეკრულების შესრულების სავარაუდო შედეგები; დაფინანსების პოლიტიკა და მექანიზმები. სრულად... წყარო: ორგანიზაციის გვერდი სოციალურ ქსელში

თბილისი. საქართველოს პოლიტიკის ინსტიტუტი (GIP) წარმოგიდგენთ მესამე სამუშაო თემატურ ჯგუფს „ახალგაზრდების პოლიტიკური ჩართულობა”, რომელიც „ცვლილებებზე ორიენტირებული ახალგაზრდების ხელშეწყობა საქართველოში” პროექტის ფარგლებში შეიქმნა. „ამ ჯგუფმა ჩაატარა კვლევა და მოამზადა პოლიტიკის დოკუმენტი, რომელშიც გაანალიზებულია საქართველოში ახალგაზრდების პოლიტიკაში ჩართულობა და მასთან დაკავშირებული დადებითი და უარყოფითი მხარეები. დეტალურად განხილული და შედარებულია საქართველოსა და ესტონეთის გამოცდილება ახალგაზრდული პოლიტიკის მიმართულებით“. გაეცანით დოკუმენტს... წყარო: ორგანიზაციის გვერდი სოციალურ ქსელში

თბილისი. ევროკავშირი (EU), გაეროს განვითარების პროგრამასთან (UNDP) თანამშრომლობით, იწყებს ახალ რეგიონულ პროექტს #M4EG „მერები ეკონომიკური განვითარებისთვის“. „პროექტის განხორციელების შედეგად, საქართველოს ქალაქები და მუნიციპალური ცენტრები მიიღებენ ახალ შესაძლებლობებს როგორც პანდემიით გამოწვეული კრიზისის დაძლევისთვის, ისე მდგრადი განვითარებისა და ეკონომიკური ზრდისთვის“. სრულად... წყარო: eeas.europa.eu

თბილისი. სამართლიანი არჩევნების და დემოკრატიის საერთაშორისო საზოგადოება (ISFED) 2021 წლის ადგილობრივი თვითმმართველობის არჩევნებისთვის იურიდიული დახმარების უფასო სერვისს გთავაზობთ.                                                  წყარო: ორგანიზაციის გვერდი სოციალურ ქსელში

აჭარა. 2, 3 და 4 ივლისს, თავისუფალ ჟურნალისტთა სახლის ინფორმაციით, ქედის მუნიციპალიტეტის მერიის პროგრამის „მონაწილეობითი ბიუჯეტი 2021“-ის ფარგლებში წარდგენილ იდეებს კენჭი უყარეს.  მოქალაქეებს შესაძლებლობა ჰქონდათ წარდგენილი 175 იდეიდან მათთვის სასურველისთვის დაეჭირათ მხარი. „პროგრამას მხარს უჭერს გერმანიის საერთაშორისო თანამშრომლობის საზოგადოების (GIZ) მიერ დაფინანსებული პროექტი - „ქედის მუნიციპალიტეტში მონაწილეობითი ბიუჯეტირების ინსტიტუციურ დონეზე დანერგვის ხელშეწყობა მდგრადი განვითარების მიზნების (SDGs goal 16) შესაბამისად“. პროექტს ახორციელებს „თავისუფალ ჟურნალისტთა სახლი“. სრულად... წყარო: ორგანიზაციის გვერდი სოციალურ ქსელში

სამცხე-ჯავახეთი. „საერთაშორისო გამჭვირვალობა - საქართველოს“ სამოქალაქო საბჭოებისა და ორგანიზაციის ახალციხის ოფისის ორგანიზებით, ახალციხეში საზოგადოებრივი ტრანსპორტის პრობლემის მოგვარების მოთხოვნით, საკრებულოში პეტიცია დარეგისტრირდა. „მოქალაქეები ითხოვენ მუნიციპალური ტრანსპორტის, მარშრუტების რაოდენობისა და სამუშაო საათების გაზრდას. ასევე, საზოგადოებრივი ტრანსპორტის დანიშვნას აბის, რაბათის, საბარგო სადგურის, დევნილების დასახლებებში, ასევე, ასპინძისა და ცხრა აპრილის ქუჩებზე. ორგანიზაცია მოუწოდებს ახალციხის მუნიციპალიტეტის საკრებულოს, განიხილოს და მხარი დაუჭიროს წარდგენილ პეტიციას, შემდგომ კი მუნიციპალიტეტმა ცვლილებების განსახორციელებლად შესაბამისი ცვლილებები შეიტანოს მუნიციპალურ ბიუჯეტში. სრულად... წყარო: ორგანიზაციის გვერდი სოციალურ ქსელში

თბილისი. საქართველოს სრატეგიული კვლევების და განვითარების ცენტრი (CSRDG) აქვეყნებს ვიდეოს სათემო ფონდის მოდელის და მნიშვნელობის შესახებ. „„სათემო ფონდი“ (Community Foundation) მსოფლიოში, სამოქალაქო ორგანიზაციების დამკვიდრებული და წარმატებული მოდელია, რომელიც გარკვეულ გეოგრაფიულ არეალში მცხოვრები ადამიანების ცხოვრების ხარისხის გაუმჯობესებას ისახავს მიზნად და სხვადასხვა აქტივობებთან ერთად, გრანტებს გასცემს. ჩვენ შევეცდებით ეტაპობრივად მოგაწოდოთ ინფორმაცია, მსოფლიოში ფართოდ აპრობირებული მოდელის „სათემო ფონდის“, მისი მახასიათებლების, არსებული საერთაშორისო გამოცდილებისა და საინტერესო რესურსების შესახებ“. წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტმა (IDFI) მოამზადა კვლევა: ადგილობრივი თვითმმართველობების სარეზერვო ფონდების ხარჯვა 2020 წელს. „2020 წელს, 54 მუნიციპალიტეტის სარეზერვო ფონდიდან გაწეულია 14.7 მილიონი ლარის ხარჯი. ამავე წლის სარეზერვო ფონდებიდან გაწეული ხარჯების ანალიზმა აჩვენა, რომ სხვადასხვა მუნიციპალიტეტში, სარეზერვო ფონდების ოდენობის განსაზღვრის და მისი ათვისების პრაქტიკა განსხვავებულია. ცალკეული მუნიციპალიტეტები გაწევენ ისეთ ხარჯებს, რომელთა სარეზერვო ფონდიდან დაფინანსების აუცილებლობა კითხვის ნიშნებს აჩენს, ხოლო ცალკეული მუნიციპალიტეტები საერთოდ ვერ ახდენენ სარეზერვო ფონდში გათვალისწინებული სახსრების ათვისებას. სარეზერვო ფონდის მინიმალური ათვისება, განსაკუთრებით პრობლემურად შესაძლებელია შეფასდეს 2020 წელს, კორონავირუსის პანდემიით შექმნილი მდგომარეობის პირობებში“, ნათქვამია ორგანიზაციის ვებგვერდზე. სრულად... წყარო: idfi.ge

თბილისი. კონსულტაციისა და ტრენინგის ცენტრი (CTC) წარმოგიდგენთ ვებ-გვერდს: Tvitmmartveloba.ge. „გვერდზე განთავსებულია ადგილობრივი თვითმმართველობის განვითარების მიმართულებით კონსულტაციის და ტრენინგის ცენტრის (CTC) მიერ შექმნილი პროდუქტები და სხვა დაკავშირებული რესურსები”. სრულად... წყარო: ორგანიზაციის გვერდი სოციალურ ქსელში