თბილისი. ჰომოფობიასა და ტრანსფობიასთან ბრძოლის საერთაშორისო დღესთან დაკავშირებით, საქართველოს სახალხო დამცველი განცხადებას ავრცელებს. „17 მაისი ჰომოფობიასა და ტრანსფობიასთან ბრძოლის საერთაშორისო დღეა, რომლის აღნიშვნა მსოფლიო ჯანდაცვის ორგანიზაციის მიერ ჰომოსექსუალობის დაავადებათა ნუსხიდან ამოღების თარიღს უკავშირდება", - ვკითხულობთ განცხადებაში, - „საქართველოში ჰომოფობიური და ტრანსფობიური განწყობები მჭიდრო კავშირშია ლგბტ+ ადამიანების მიმართ ძალადობის და დისკრიმინაციის მაჩვენებელთან. სახალხო დამცველის პრაქტიკა ცხადყოფს, რომ თანასწორობის უფლების რეალიზაციის მიმართულებით ერთ-ერთ ყველაზე დაუცველ ჯგუფს სწორედ ლგბტ+ ადამიანები წარმოადგენენ. საზოგადოებაში არსებული სტერეოტიპები და წინასწარგანწყობები ყოველდღიური რისკის ქვეშ აყენებენ მათ მიერ ისეთი მნიშვნელოვანი უფლებების გამოყენებას, როგორიცაა განათლების, დასაქმების, ჯანმრთელობის დაცვის, სხვადასხვა სფეროში მომსახურების მიღებისა და მშვიდობიანი შეკრების უფლება". სრულად  წყარო: ორგანიზაციის ვებგვერდი

იმერეთი. 15 მაისს, ქუთაისის ახალგაზრდული ცენტრის წევრებმა, ქუთაისის 9-ე საჯარო სკოლის მოსწავლეებისთვის ჩაატარეს ფორუმ-თეატრი, ოჯახში ძალადობის თემაზე.  „ფორუმ–თეატრი არის მინი სპექტაკლი, 10-15 წუთიანი, რომელიც მიზნად ისახავს პრობლემის თვალნათლივ წარმოჩენას მაყურებლისთვის და მათთან ერთად გამოსვლის ძიებას.  მისი პრინციპი ადამიანების ჩართულობა და გააქტიურებაა სოციალურ გარემოში. ფორუმ-თეატრები ძირითადად სოციალურ თემატიკაზე იმართება: ოჯახში ძალადობა, ჩაგვრა, ბულინგი სკოლაში, კონფლიქტები", ნათქვამია ორგანიზაციის ვებგვერდზე.  სრულად...  წყარო: ორგანიზაციის ვებგვერდი სოციალურ ქსელში

თბილისი. 15 მაისს, თბილისში გაიმართა პირველი ეროვნული კონფერენცია: „გენდერული თანასწორობა ადგილობრივ თვითმმართველობაში - გამოწვევები და შესაძლებლობები".  შეხვედრის მიზანი იყო ერთი მხრივ, გენდერული თანასწორობის სფეროში მუნიციპალიტეტებს შორის კოორდინირებული მუშაობის ხელშეწყობა და მეორე მხრივ, თვითმმართველობის ორგანოებსა და ეროვნულ ხელისუფლებას შორის ერთიანი ხედვის ჩამოყალიბება. სრულად... წყარო: ორგანიზაციის ვებგვერდი სოციალურ ქსელში

თბილისი. ევროკავშირისა და ფონდ „ღია საზოგადოება - საქართველოს" მხარდაჭერით, ორი წლის განმავლობაში, საქართველოს რეგიონებში მიმდინარეობდა პროექტი, რომელიც მიზნად ბავშვთა უფლებების დაცვისთვის ადგილობრივი შესაძლებლობების გაძლიერებას ისახავდა. „დღეს, ეთნიკური უმცირესობების წარმომადგენელი მოსწავლეები და მათი ქართულენოვანი თანატოლები ვერ სარგებლობენ ხარისხიან განათლებაზე თანაბარი ხელმისაწვდომობით. საქართველოს სტატისტიკის ეროვნული სამსახურის მონაცემებით 2015-2016 სასწავლო წლის დასაწყისისათვის 12441 მოსწავლემ მიატოვა სწავლა. განსაკუთრებით მაღალია სწავლის მიტოვების მაჩვენებელი უმცირესობებით კომპაქტურად დასახლებულ ქვემო ქართლსა და სამცხე-ჯავახეთში. ხშირია სწავლის მიტოვება მუშაობის დაწყების მიზეზით. მაღალ კლასებში რიცხული გოგონები სწავლას თავს ანებებენ გათხოვების შემდეგ. კვლევებით დასტურდება, რომ სკოლის მიტოვების პრობლემა შეიძლება თაობებზე ვრცელდებოდეს”, - ნათქვამია ფონდ „ღია საზოგადოება - საქართველოს" მიერ გავრცელებულ ინფორმაციაში. რეგიონებში პროექტს ახორციელებდნენ: სამოქალაქო განვითარების ინსიტუტი, საზოგადოება „ბილიკი", რეგიონული ასოციაცია „ტოლერანტი" და მარნეულის ახალგაზრდული ცენტრი. სრულად  წყარო: ორგანიზაციის ვებგვერდი

კახეთი. 11 მაისს, კახეთის რეგიონის (თელავის, ახმეტის, გურჯაანის, ლაგოდეხის, ყვარლის და საგარეჯოს) სოციალური მომსახურების სააგენტოს სოციალურ მუშაკებთან და ფსიქოლოგებთან საინფორმაციო შეხვედრა გაიმართა. შეხვედრაზე განიხილეს სოციალური მუშაკების როლი ოჯახში ძალადობის, ნაადრევი ქორწინებისა და ბულინგის შემთხვევებთან დაკავშირებით. სრულად... წყარო: www.ombudsman.ge

თბილისი. 15 მაისს, თბილისში გაიმართება პირველი ეროვნული კონფერენცია: „გენდერული თანასწორობა ადგილობრივ თვითმმართველობაში - გამოწვევები და შესაძლებლობები".  „მასშტაბური შეხვედრის მიზანია, ხელი შეუწყოს ერთი მხრივ, მუნიციპალიტეტებს შორის კოორდინირებულ მუშაობას გენდერული თანასწორობის სფეროში და მეორე მხრივ, თვითმმართველობის ორგანოებსა და ეროვნულ ხელისუფლებას შორის ერთიანი ხედვის ჩამოყალიბებას", ნათქვამია ორგანიზაციის ვებგვერდზე. სრულად... წყარო: ginsc.net

თბილისი. კავშირის საფარი აქვეყნებს ბლოგპოსტს: ევიტა პერონი - ღატაკთა ღვთისმშობელო. „1952 წლის 26 ივლისს, მთელი არგენტინა გაყუჩდა. ყველა რადიოგადაცემა და სპექტაკლი გაწყდა, სამარისებური სიჩუმე ჩამოვარდა. „ერის სულიერმა ლიდერმა, არგენტინის პირველმა ლედიმ ევიტა პერონმა მარადიულობაში გადაინაცვლა", – წარმოთქვა ხმააკანკალებულმა დიქტორმა. მის კვალად, მთელი ქვეყანა აქვითინდა. ქვეყანა უბრალოდ ქალს კი არა, თავის ბედნიერ მომავალს დასტიროდა, რომელსაც აღსრულება აღარ ეწერა, და სასოებას, რომლის გაღვივებაც ამიერიდან აღარავის შეეძლო. მთელი ნაციის ბედნიერება და იმედი ერთ სიფრიფანა ქალში იყო განსხეულებული. ისტორიაში ყველაზე ცნობილი ლათინოამერიკელი ქალის ხანმოკლე ცხოვრება გარდასახვებითაა აღსავსე. უღარიბესი ოჯახის შვილმა, დიდების მწვერვალს მიაღწია, ღატაკი გოგონადან მთელი ქვეყნის სიმბოლოდ იქცა", ნათქვამია ორგანიზაციის ვებგვერდზე. სრულად... წყარო: sapari.ge

თბილისი. საქართველოს ჟურნალისტური ეთიკის ქარტიისა და გაეროს ბავშვთა ფონდის (UNICEF) თანამშრომლობით, წელს მედიაწიგნიერების სახელმძღვანელო შეიქმნება. სახელმძღვანელო UNICEF -ის კოსოვოს ოფისის მიერ განხორციელებული პროგრამის PONDER-ის ადაპტირებული ვერსია იქნება. ექსპერტთა ჯგუფი გადაამუშავებს არსებულ რესურსს და შეიმუშავებს კონკრეტულ სავარჯიშოებს, რომლებიც ახალგაზრდებს დაეხმარება მედიის მიერ გავრცელებული ინფორმაციის კრიტიკულად წაკითხვასა და გაანალიზებაში. სავარჯიშოები ფოკუსირებული იქნება როგორც ტექსტურ, ისე აუდიო და ვიდეო/ფოტო მასალის გააზრების უნარის განვითარებაზე. სახელმძღვანელოს პრაქტიკაში გამოყენების მიზნით, წლის ბოლოს გაიმართება ორდღიანი სემინარი ახალგაზრდებისათვის და მასში მონაწილეობა ყველა დაინტერესებულ ახალგაზრდას შეეძლება კონკურსის შედეგად. პროექტი ასევე მოიცავს კვლევის კომპონენტს, რომელიც მედიაში ბავშვთა საკითხების გაშუქებას ეხება. 2018 წლის ბოლოს, სხვა ნომინაციებთან ერთად, ქარტია ღია კონკურსს ბავშვთა საკითხების სიღრმისეულად გაშუქების ნომინაციაშიც გამოაცხადებს. სრულად წყარო: ორგანიზაციის ვებგვერდი

სამცხე-ჯავახეთი. 30 აპრილს ნინოწმინდაში ქალთა საინფორმაციო ცენტრის ექსპერტებმა გენდერული თანასწორობის საბჭოს წევრებთან და სამოქალაქო სექტორის წარმომადგენლებთან ერთად იმსჯელეს მუნიციპალიტეტში არსებულ პრობლემებზე. „გამოიკვეთა საჭიროებები, რომელიც აისახება მუნიციპალიტეტის გენდერული თანასწორობის სამოქმედო გეგმაში. შეხვედრები ტარდება გერმანიის თანამშრომლობის საზოგადოების (GIZ) მხარდაჭერით", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. კავშირი „საფარის" ინფორმაციის თანახმად, შინაგან საქმეთა სამინისტრო უარს აცხადებს ექიმ-ოფთალმოლოგის, ბაჩო შენგელიას საქმესთან დაკავშირებით გამოძიების დაწყებას. ბაჩო შენგელიამ, სოციალურ ქსელში, ფერადკანიან ქალთან გადაღებული ფოტო ატვირთა და პარტნიორი ქსენოფობიურ და მიზოგინურ კონტექსტში მოიხსენია. „სამწუხაროა, რომ შსს ვერ ხედავს სავარაუდო დანაშაულის ნიშნებს ბაჩო შენგელიას ქმედებაში და გადაწყვიტა, არ დაიწყოს გამოძიება. როგორც ირკვევა, შსს ელოდება თავად ფოტოზე გამოსახული ქალის საჩივარს გამოძიების დასაწყებად. შეგახსენებთ, რომ ფოტოზე აღნიშნული ქალი უცხოელია და მისი საცხოვრებელი ადგილის და ვინაობის შესახებ "საფარი” ინფორმაციას არ ფლობს, თუ გაქვთ ინფორმაცია ამ ქალის ვინაობის ან ადგილსამოყოფელის შესახებ, შეგვატყობინებთ, ჩვენ დავუკავშირდებით და შევთავაზებთ უფასო იურიდიულ დახმარებას", ნათქვამია განცხადებაში. სრულად... წყარო: sapari.ge

თბილისი. ორგანიზაციამ „პარტნიორობა ადამიანის უფლებებისთვის" (PHR) მასწავლებლებთან ოჯახში და ქალთა მიმართ ძალადობის შესახებ სემინარი ჩაატარა. „შეხვედრის მონაწილეებმა განსაკუთრებული ინტერესი გამოხატეს ქალთა მიმართ ძალადობის ფორმების, თავშესაფარში არსებული პირობების, ძალადობისგან დაცვის მექანიზმების, მასწავლებლის მიერ სავალდებულო შეტყობინებისა და ძალადობის პრევენციისას მასწავლებლის როლის შესახებ. სემინარის განმავლობაში მასწავლებლებმა ისაუბრეს იმერეთის რეგიონში არსებულ პრობლემებზე ოჯახში ძალადობისა და ბავშვთა მიმართ ძალადობის შესახებ მშობლების არაინფორმირებულობის მიმართულებით", ნათქვამია ორგანიზაციის ვებგვერდზე. სრულად... წყარო: phrgeorgia.wordpress.com

კახეთი. 30 აპრილს, გაიმართა საინფორმაციო შეხვედრა გენდერული თანასწორობის საკითხებზე და ანტი-დისკრიმინაციულ კანონმდებლობაზე, შეზღუდული შესაძლებლობის მქონე პირთა უფლებებზე, ბავშვთა უფლებებზე. „სპიკერებმა ისაუბრეს გენდერული თანასწორობის, ქალთა მიმართ და ოჯახში ძალადობის წინააღმდეგ საქართველოს მთავრობის მიერ განხორციელებული და მიმდინარე ღონისძიებების შესახებ; აღმასრულებელ ხელისუფლებაში ახლად შექმნილ უწყებათაშორის კომისიაზე, რომელიც წარმოადგენს გენდერული თანასწორობის მიმართულებით აღმასრულებელ ხელისუფლებაში არსებულ ინსტიტუციურ მექანიზმს; მთავრობის მიერ 2016-2017 წლებში განხორციელებულ ცვლილებებზე და 2018-2020 წლების სამთავრობო სამოქმედო გეგმებით განსაზღვრულ ღონისძიებების შესახებ", ნათქვამია დემოკრატიული ჩართულობის ცენტრის ვებგვერდზე სოციალურ ქსელში. სრულად... წყარო: ცენტრის ვებგვერდი სოციალურ ქსელში

თბილისი. საერთაშორისო გამჭვირვალობა - საქართველოს აქვეყნებს ბლოგპოსტს: „ოჯახში ძალადობის წინააღმდეგ რეგულაციები მკაცრდება". „საქართველოს პარლამენტი პირველი მოსმენით განიხილავს კანონპროექტთა პაკეტს, რომელიც ოჯახში ძალადობის წინააღმდეგ რეგულაციების გამკაცრებას, მათ შორის შემაკავებელი ორდერის სავალდებულო წესით გამოცემას ითვალისწინებს. ინიციატორის მითითებით, კანონპროექტის მიღების საჭიროება განპირობებულია ოჯახში ძალადობის ფაქტებთან/ოჯახურ დანაშაულებთან ბრძოლის კიდევ მეტად დახვეწის აუცილებლობით, განსაკუთრებით კი როცა საქმე ეხება ამგვარი დანაშაულის ჩადენას იარაღის გამოყენებით. ოჯახური დანაშაულისა და ოჯახში ძალადობის მსხვერპლის უკეთ დაცვის მიზნით, საჭიროა პოლიციელის უფლებამოსილების გაზრდა და იმ კონკრეტული შემთხვევების განსაზღვრა, როდესაც მას შემაკავებელი ორდერის გამოცემისა და მასში იარაღით სარგებლობის უფლების შეზღუდვის მითითების კანონით უზრუნველყოფილი უფლება ექნება”, ნათქვამია ორგანიზაციის ვებგვერდზე. სრულად... წყარო: www.transparency.ge

თბილისი. 26-27 აპრილს, თბილისში გაიმართა ტრენინგი, რომელიც გენდერული ბიუჯეტირების საკითხებს ეხებოდა. „ტრენინგი წარმოადგენს სასწავლო პროგრამის ნაწილს, რომელიც გენდერული პოლიტიკის ლოკალიზაციას შეუწყობს ხელს ამ მუნიციპალიტეტებში. ტრენინგი გაიმართა GIZ-ის ორგანიზებით ქალთა საინფორმაციო ცენტრთან თანამშრომლობით პროექტის „კახეთიდან და სამცხე–ჯავახეთიდან ქალი პოლიტიკოსებისა და გენდერზე პასუხისმგებელი პირების ქსელი პროფესიული და ლიდერული უნარ–ჩვევების გაძლიერებისათვის". სრულად... წყარო: ორგანიზაციის ვებგვერდი სოციალურ ქსელში

თბილისი. 24 აპრილს სახალხო დამცველის ოფისში ფემიციდზე ზედამხედველობის მექანიზმის საკონსულტაციო საბჭოს პირველი შეხვედრა გაიმართა. სხდომას საქართველოს სახალხო დამცველის მოადგილე, გენდერული თანასწორობის დეპარტამენტის თანამშრომლები და საბჭოს მოწვეული წევრები ესწრებოდნენ. სხდომაზე მოწვეულმა ექსპერტმა თამარ დეკანოსიძემ ფემიციდის მონიტორინგის მეთოდოლოგიის დოკუმენტი წარმოადგინა; გენდერული თანასწორობის დეპარტამენტის უფროსმა საბჭოს წევრებს ფემიციდის მონიტორინგის ანგარიში გააცნო, სადაც 2016 წლის სისხლის სამართლის საქმეთა ანალიზი და ძირითადი მიგნებებია წარმოდგენილი. შეხვედრის დასასრულს გამართულ დისკუსიაზე მონაწილეებმა ანგარიშის მეთოდოლოგია და ძირითადი მიგნებები განიხილეს და ფემიციდის მონიტორინგის კუთხით სამომავლოდ გასათვალისწინებელ საკითხების შესახებ იმსჯელეს. სრულად  წყარო: ორგანიზაციის ვებგვერდი

თბილისი. ქალთა ინიციატივების მხარდამჭერი ჯგუფი (WISG) გენდერის კვლევის სამაგისტრო პროგრამის ლექტორის, ნარგიზა არჯევანიძის საინტერესო მოხსენების ჩანაწერს ავცელებს. „მოხსენება შეეხება 80-იანი წლებიდან ნარატივის, ცხოვრებისეული, პირადი ამბის გადმოცემის სხვადასხვა ჟანრის მიმართ მზარდ ინტერესს და ამის მიზეზებს, როგორც აკადემიაში, ისე მის გარეთ, ე.წ. ნარატივისკენ შემობრუნებას ("narrative turn”) განსაკუთრებით სოციალურ მეცნიერებებში, რაც ინტელექტუალური, სოციალური, კულტურული ცვლილებების და განსაკუთრებით კი რეპრეზენტაციის კრიზისს უკავშირდებოდა", ნათქვამია ლექციის აღწერაში. წყარო: ორგანიზაციის ვებგვერდი სოციალურ ქსელში

თბილისი. „ქალთა მზერა" აქვეყნებს შრი ლანკელი ისტორიკოსის, კუმარი ჯაიავარდენას სალექციო ჩანაწერების მიმოხილვას, რომელიც შემდეგშიც მნიშვნელოვან ნაშრომად იქცა: „ფემინიზმი და ნაციონალიზმი მესამე მსოფლიოში". „როგორც სოციალისტმა ფემინისტმა აქტივისტმა, ჯაიავარდენამ უწყვეტი კავშირები დაამყარა კოლომბოს უნივერსიტეტსა და მუშებს შორის; შრი ლანკას სხვადასხვა ეთნიკურ და რელიგიურ ჯგუფებს შორის; სამხრეთ აზიის ფემინისტებსა და მსოფლიოს სხვა ნაწილს შორის. 1980-იან წლებში ის უკვე ატყობდა საფრთხეებს ქალებისთვის ყველა ფორმის ავტორიტარული ფუნდამენტალისტური რელიგიის ინტერპრეტაციების მხრიდან. უარმყოფელი ძალით პასუხის ნაცვლად, ის ფიქრობდა, რომ შეკრული მუშტის სიმბოლური ფორმის მაგივრად, მას უნდა ვუპასუხოთ გაშლილი ხელით, რომელიც სიძლიერეს ასხივებს სხვებისთვის. როგორც აქტივისტი და სწავლული, ის ამ იდეის განხორციელებას ცდილობდა. ახლა 86 წლისაა. "ფემინიზმი და ნაციონალიზმი მესამე მსოფლიოში” არა მარტო ინარჩუნებს რელევანტურობას 2017 წელს, არამედ ახლა უფრო ძლიერად დგას მისი საჭიროება", ნათქვამია ორგანიზაციის ვებგვერდზე. სრულად... წყარო: womensgaze.org.ge

თბილისი. "არა-ფობიას!”-ში შემავალი ორგანიზაციები, პარლამენტის გენდერული თანასწორობის საბჭოს სამოქმედო გეგმას თან დაკავშირებით, სპეციალურ განცხადებას ავრცელებენ. „უარყოფითად ვაფასებთ საქართველოს პარლამენტის მიერ 2018 წლის 17 აპრილს გენდერული თანასწორობის საბჭოს 2018-2020 წლების სამოქმედო გეგმის დამტკიცებას იმ ფონზე, როდესაც ერთი მხრივ გეგმის შემუშავება არ მომხდარა სამოქალაქო საზოგადოების ჩართულობით, მეორე მხრივ კი გეგმაში არ ასახულა სხვადასხვა მოწყვლადი ჯგუფების წარმომადგენელი ქალების (მათ შორის რელიგიური და ეთნიკური უმცირესობების წარმომადგენელი ქალების, ლესბოსელი, ბისექსუალი და ტრანსგენდერი ქალების, შშმ ქალების) სპეციფიკური საჭიროებები. გენდერული თანასწორობის უზრუნველყოფაზე ორიენტირებული პოლიტიკის დაგეგმვისას სასიცოცხლოდ მნიშვნელოვანია სახელმწიფომ განსაკუთრებული ყურადღება მიაქციოს მოწყვლადი ჯგუფების წარმომადგენელი ქალების პრობლემებს და იზრუნოს მათი გადაჭრის გზების მოძიებაზე. ორი ან მეტი ნიშნით დისკრიმინირებული ქალების ინტერესების გაუთვალისწინებლობა ქმნის იმის შთაბეჭდილებას, რომ სახელმწიფო ვერ ხედავს მათ საჭიროებებს, მათ შორის ტრანსგენდერი ადამიანების მძიმე სამართლებრივ და სოციალურ მდგომარეობას გენდერული თანასწორობის ჭრილში და ტოვებს ამ კუთხით დაგეგმილი სახელმწიფო პოლიტიკის მიღმა", - ნათქვამია განცხადებაში. სრულად  წყარო: http://www.gdi.ge

თბილისი. ადრეული ქორწინების საზიანო პრაქტიკის შესახებ თვისებრივი კვლევა განხორციელდა საქართველოს დაავადებათა კონტროლისა და საზოგადოებრივი ჯანმრთელობის ეროვნული ცენტრის მიერ გაეროს მოსახლეობის ფონდისა (UNFPA) და გაეროს ბავშვთა ფონდის (UNICEF) მხარდაჭერით. კვლევის თანახმად, „დაქორწინებული მოზარდი გოგონასთვის, ოჯახის ყოლასთან ერთად, განათლების მიღება შეუთავსებელია. ქორწინების შემდგომი როლები და პასუხისმგებლობები უმეტესწილად გადანაწილებულია გენდერული ნიშნით. ოჯახის ფინანსების განკარგვის, გოგონას განათლების გაგრძელების და ოჯახის დაგეგმვის შესახებ გადაწყვეტილებებს ქმარი და ქმრის მშობლები იღებენ. გოგონას მოვალეობად ოჯახისა და ბავშვის მოვლა მიიჩნევა". სრულად... წყარო: unicef.ge

თბილისი. 19 აპრილს, გაიმართება კონფერენცია „მტკიცებულებებიდან პოლიტიკასა და ქმედებამდე - ადრეულ/ბავშვთა ასაკში ქორწინებისა და ქალთა სასქესო ორგანოების დასახიჩრების საზიანო პრაქტიკები". კონფერენციაზე წარმოდგენილი იქნება 2017 წელს ადრეულ/ბავშვობის ასაკში ქორწინებისა და ქალთა სასქესო ორგანოების დასახიჩრების/კვეთის საზიანო პრაქტიკების შესახებ ჩატარებული თვისებრივი კვლევის შედეგები. თვისებრივი კვლევის შედეგად დადგინდა, რომ „ადრეული/ბავშვობის ასაკში ქორწინება გავრცელებული მოვლენაა მთელი ქვეყნის მასშტაბით, დედაქალაქის - თბილისის - ჩათვლით, ის ასევე გვხვდება სხვადასხვა ეთნიკური თუ რელიგიური კუთვნილების თემებში". სრულად... წყარო: georgia.unfpa.org

თბილისი. „ქალთა მზერა" უცნობი ავტორის კრიტიკულ, ფემინისტურ რეფლექსიას აქვეყნებს ჟურნალისტ, თამარ ჩერგოლეიშვილის სიტყვით გამოსვლაზე Women in the World-ის სამიტზე. „მჩაგვრელები" ავტორიტარი ლიდერები არიან, რომლებიც თავისუფლებისთვის მებრძოლ ჟურნალისტებს თუ აქტივისტებს დევნიან. ჩაგვრის ამგვარად განხილვა სტრუქტურული ჩაგვრების უგულებელყოფას იწვევს. ამ ნარატივის მიხედვით, ჩაგვრა მხოლოდ ისაა, რასაც „ბოროტი ლიდერი" აკეთებს, შეუძლებელია ჩაგვრამ ლიბერალური დემოკრატიის ინსტიტუტებისა და სტრუქტურების ყოველდღიურობაში იარსებოს; შეუძლებელია „თავისუფლებამ" (რაც სინამდვილეში კონკურენციის თავისუფლებას ნიშნავს) ჩაგვრა წარმოშვას. ეს იწვევს იმას, რომ პრაქტიკულად არ არის საუბარი განხილულ ქვეყნებში ქალთა რეალურ მდგომარეობაზე. მაგალითად, თამარა ბევრს ლაპარაკობს პუტინზე, მაგრამ არც ერთხელ არ ახსენებს საქართველოში ფემიციდისა და ქალთა მიმართ ძალადობის პრობლემას ან საკანონმდებლო ორგანოებში ქალი წარმომადგენლების ნაკლებობას (მარტში საქართველოს პარლამენტმა გენდერული კვოტირების კანონპროექტი განიხილა, მაგრამ კანონი ჩავარდა. „ევროპულმა საქართველომ", პარტიამ, რომელთანაც თამარა ჩერგოლეიშვილია ასოცირებული, კვოტების მხარდაჭერაზე უარი განაცხადა)", ნათქვამია ბლოგპოსტში. სრულად... წყარო: womensgaze.org.ge

თბილისი. გენდერული საინფორმაციო პორტალის ინფორმაციით, საქართველო პირველად UN Women-ის აღმასრულებელი საბჭოს წევრი გახდა. „გაერო-ს ქალთა ორგანიზაციის აღმასრულებელი საბჭო 41 წევრი სახელმწიფოსგან შედგება და მის ფუნქციას წარმოადგენს გაერო-ს ქალთა ორგანიზაციის საქმიანობის ხელშეწყობა წევრი ქვეყნების წინაშე მდგარი გამოწვევებისა და მათი პრიორიტეტების შესაბამისად", ნათქვამია ორგაბნიზაციის ვებგვერდზე. სრულად... წყარო: ginsc.net