თბილისი. კოალიცია „საზოგადოებრივმა ინიციატივამ" საზოგადოებრივი მაუწყებლის ლოგოს ცვლილებასთან დაკავშირებით პეტიცია გაავრცელა. „რუსეთის მიერ საქართველოს ტერიტორიის 20%-ის ოკუპირებული ფონზე, საზოგადოებრივი მაუწყებლის მხრიდან ლოგოს (სიმბოლო, ფერები, დიზაინი) დამსგავსება ოკუპანტი სახელმწიფოს პირველი არხის ლოგოსთან (სიმბოლოებთან) ქართველი ერის შეურაცხყოფაა", ნათქვამია პეტიციაში. „მიგვაჩნია, რომ ტელევიზია, რომელიც ფინანსდება სახელმწიფო ბიუჯეტიდან და მოქალაქეთა შემოსავლებით არ უნდა ატარებდეს ოკუპანტი ქყვეყნის პირველი არხის ლოგოს და ქონდეს ანალოგიური სტუდია". კოალიცია მოითხოვს გამოცხადდეს კონკურსი საქართველოს საზოგადოებრივი მაუწყებლის ლოგოს ((ბრენდირება) სიმბოლო, ფერები, დიზაინი) გამოსავლენად. პეტიცია წყარო:media.ge

თბილისი. ინფორმაციის თავისუფლების განვითარების ინსტიტუტმა (IDFI) დაიწყო იმ დაწესებულებათა საჯარო ინფორმაციის პროაქტიული გამოქვეყნების სატნდარტების მონიტორინგი, რომლებზეც არ ვრცელდება საქართველოს მთავრობის 26 აგვისტოს N219 დადგენილება. ინსტიტუტი საქართველოს პრეზიდენტის ადმინისტრაციისთვის დადგენილი სტანდარტების მთავრობის მიერ მიღებულ სტანდარტებთან შესაბამისობის ანალიზს შესთავაზებს მკითხველს. „მიუხედავად იმ ფაქტისა, რომ დღეს უკვე არსებობს მთავრობის დადგენილებით განსაზღვრული პროაქტიულად გამოსაქვეყნებელი საჯარო ინფორმაციის ნუსხა, რომელიც შემუშავებული იქნა სამოქალაქო საზოგადოების უშუალო ჩართულობითა და მონაწილეობით, პრეზიდენტის ადმინისტრაციისთვის სავალდებულო დოკუმენტი მის შეკვეცილ და მნიშვნელოვნად სახეცვლილ ვერსიას წარმოადგენს", ნათქვამია ორგანიზაციის მიერ გამოქვეყნებულ ბლოგზე. სრულად წყარო: opendatablog.wordpress.com

თბილისი. ორგანიზაცია „იდენტობამ" ვებ–გვერდზე განცხადება გაავრცელა, რომლითაც მწერალ ნაირა გელაშვილს ღია დისკუსიაში მონაწილეობას სთავაზობს. „ადამიანის უფლებების საკითხზე პოზიციაში სიცხადის შეტანის მიზნით, ორგანიზაცია „იდენტობა" ქალბატონ ნაირა გელაშვილს საჯარო დისკუსიაში მონაწილეობას სთავაზობს. ვიმედოვნებთ, მსგავსი დისკუსია ნათელს მოჰფენს იმ სამწუხარო გაუგებრობას, რაც 2013 წლის 25 მაისს, ტელეკომპანია კავკასიის პირდაპირ ეთერში 17 მაისის მოვლენებზე მის წინააღმდეგობრივ მსჯელობს მოჰყვა", ნათქვამია ორგანიზაციის ვებ–გვერდზე. სრულად წყარო: identoba.com

აჭარა. 24 სექტემბერს, ბათუმის პრეს-კაფეში, თავისუფალ ჟურნალისტთა სახლის ორგანიზებით გაიმართა ღონისძიება სახელწოდებით -„ხედვა დაბრკოლების მიღმა". პრეს-კაფე აჭარის განათლების, კულტურისა და სპორტის სამინისტროს მხარდაჭერით ფოტოპროექტს ახორციელებს. ბათუმელ ფოტოგრაფებზე გათვლილი პროექტი 7 ხელოვანის ნამუშევრების გამოფენას და მათზე მომზადებული ფილმების ჩვენებას ითვალისწინებს. პროექტის ფარგლებში, პირველი ღონისძიება ფოტოგრაფ ლაშა ფალავანდიშვილის გამოფენის მოეწყობა იყო, სადაც ავტორის მიერ შერჩეული 12 ფოტო იყო წარმოდგენლი. სტუმრებს უჩვენეს ასევე ფოტოგრაფზე მომზადებული 5-წუთიანი ფილმი. შეხვედრის ბოლოს კი ნაჩვენებ იქნა სტენლი კრამერის ფილმი -„მოიმკი ქარიშხალს". აღნიშნული პროექტი დეკემბრის ბოლომდე გაგრძელდება.

სამეგრელო. ზუგდიდის მუნიციპალიტეტის გამგეობის შეხვედრების დარბაზში, „საერთაშორისო გამჭვირვალობა – საქართველოს" ორგანიზებით, ადგილობრივ თვითმმართველობაში ადამიანური რესურსების მართვის ტრენინგი გაიმართა. სამუშაო შეხვედრას სამეგრელო-ზემო სვანეთის მუნიციპალიტეტებისა და თვითმმართველ ქალაქ ფოთის გამგეობა-საკრებულოს თანამშრომლები დაესწრნენ. შვედმა ანალიტიკოსმა ქირსტენ კამაანი საატესტატო-საკონკურსო კომისიის არსსა და ზოგადად, ადმინისტრაციულ ორგანოებში თანამშრომლების აყვანა-გათავისუფლების საკითხებზე ისაუბრა.

გურია. ახალგაზრდულ ფორუმზე შემუშავებული კიდევ ერთი პროექტი წარმატებით დასრულდა. ლანჩხუთის მუნიციპალიტეტის საკრებულოსთან და ადგილობრივ თვითმმართველობასთან თანამშრომლობის შედეგად სუფსის საჯარო სკოლას წყალი მიეწოდება. ახალგაზრდული ფორუმის ფარგლებში მოსწავლეებმა პროექტი ინფრასტრუქტურის სფეროში მოამზადეს. იგი მიზნად ისახავდა ლანჩხუთის მუნიციპალიტეტის სოფელ სუფსის სკოლის წყლით უზრუნველყოფას. პროექტის წარმატებით განხორციელების მიზნით ახალგაზრდა ფორუმელები შეხვდნენ ლანჩხუთის მუნიციპალიტეტის საკრებულოს თავმჯდომარეს და მის მოადგილეს. ეფექტური თანამშრომლობის შედეგად სოფელ სუფსის ადგილობრივმა თვითმმართველობამ შეიძინა და დაამონტაჟა მილი, რომლითაც დღეისათვის სკოლას წყალი უწყვეტად მიეწოდება.

25 სექტემბერს, 19:00 საათზე ჰაინრიჰ ბიოლის ფონდის სამხრეთ კავკასიის რეგიონული ბიურო გამართავს საჯარო დისკუსიას: „ომით გაყოფილი საზოგადოებები 20 წლის შემდეგ: სამშვიდობო პოლიტიკა და შერიგების რესურსები". მისამართი:თბილისი, ზოვრეთის 38, ბიოლის ფონდი

25 სექტემბერს, 18:00 საათზე, „თავისუფლების კლუბი" გამართავს საჯარო ლექციას – „ოკუპირებული ტერიტორიები: პოლიტიკური და სამართლებრივი ასპექტები". მისამართი:თბილისი, საქართველოს აგრარული უნივერსიტეტი, 321 აუდიტორია

თბილისი. „ადამიანთა უფლებების ცენტრი" საზოგადოებას საარჩევნო ცხელ ხაზს სთავაზობს. საარჩევნო უფლებების დარღვევის შემთხვევაში საზოგადოებას საშუალება ეძლევა დაუკავშირდეს ორგანიზაციას და აცნობს მის შესახებ. სრულად წყარო: ორგანიზაციის გვერდი სოციალურ ქსელში

თბილისი. საქართველოს ახალგაზრდული პარლამენტის, ჯანმრთელობის დაცვის და სოციალურ საკითხთა კომიტეტი ატარებს გამოკითხვას ფსიქიკური პრობლემების მქონე ადამიანთა სტიგმატიზაციის შესახებ. გამოკითხვაში მონაწილეობის მიღება ნებისმიერ მსურველს შეუძლია. გამოკითხვა წყარო: ორგანიზაციის გვერდი სოციალურ ქსელში

თბილისი. „ინტერნიუსი - საქართველო" იწყებს პროექტს „რეგიონული მედიის მონიტორინგი - საპრეზიდენტო არჩევნები 2013". პროექტი განხორციელდება საარჩევნო სისტემების საერთაშორისო ფონდის (IFES) პროექტის „ნდობის გაზრდა საარჩევნო პროცესებისადმი" (ITEP) ფარგლებში, რომელსაც საერთაშორისო განვითარების სააგენტო (USAID) აფინანსებს. პროექტი ითვალისწინებს 12 რეგიონული ტელემაუწყებლის საინფორმაციო გამოშვებების და თოქშოუების მონიტორინგს. ტელკომპანიების მონიტორინგი 2013 წლის 16 სექტემბრიდან 10 ნოემბრის ჩათვლით განხორციელდება. სრულად წყარო: media.ge

28 სექტემბერს გულის მსოფლიო დღეს, მშვიდობის კორპუსის მოხალისეები საქართველოს სხვადასხვა რეგიონებში ამბროლაური. ტყიბული, ოზურგეთი, ნინოწმინდა, თელავი, რუსთავი, ამ დღეს სხვადასხვა სპორტული ღონისძიებებით აღნიშნავენ. ორგანზიაცია „უკეთესი მომავლისათვის" და ამერიკული კუთხე უერთდება ღონისძიებას და წეროვნის დევნილთა დასახლებაში გამართავს გარბენს 5 და 1 კილომეტრზე. მონაწილეობის მიღება თავისუფალია. სრულად წყარო: „უკეთების მომავლისთვის" გვერდი სოციალურ ქსელში

სამცხე–ჯავახეთი. ახალქალაქის ახალგაზრდული ცენტრის წევრებმა, თანატოლებს ჯანსაღი ცხოვრების წესის შესახებ ტრენინგი ჩაუტარეს. ტრენინგი ჩატარდა პროექტ – „ეროვნული ინტეგრაციის გაძლიერება საქართველოში" – ფარგლებში, რომელსაც ახორციელებს, საქართველოს გაეროს ასოციაცია, ამერიკის შეერთებული შტატების საერთაშორისო განვითარების სააგენტოს (USAID) ფინანსური მხარდაჭერით. წყარო:ორგანიზაციის გვერდი სოციალურ ქსელში

25 სექტემბერს, 13:00 საათზე, სამოქალაქო საზოგადოების ინსტიტუტი ანაკლიაში გამართავს ადგილობრივი საზოგადოებრივი ორგანიზაციებისა და ჟურნალისტების შეხვედრას თემაზე: საზოგადოებრივი ორგანიზაციები და საზოგადოება. შეხვედრის მიზანია საზოგადოებრივი ორგანიზაციებისა და მედიის ურთიერთობის შესახებ დისკუსიის გაგრძელება. მისამართი:ანაკლია, სასტუმრო ოქროს საწმისი

25 სექტემბერს, 15:00 საათზე, „სამოქალაქო ჩართულობის ცენტრის" წარმომადგენელი ლევან ჩიტაძე არჩილ კბილაშვილს განცხადებით მიმართავს.   მისამართი: თბილისი, გორგასლის გამზ. N24

25 სექტემბერს, 11:00 საათზე, არასამთავრობო ორგანიზაციათა კოალიცია „საზოგადოებრივი ინიციატივა" პრესკონფერენციას გამართავს.  თემა: პეტიცია საზოგადოებრივი მაუწყებლის ლოგოს ცვლილების შესახებ  მისამართი: თბილისი, ფალიაშვილის N33-ა, მე-3 სადარბაზო.

იმერეთი. 24 სექტემბერს „საერთაშორისო გამჭვირვალობა – საქართველო" ორგანიზებით ქუთაისში იმერეთის მხარის მუნიციპალიტეტების 15 წარმომადგენლისათვის საკადრო პოლიტიკის საკითხებში სამუშაო შეხვედრა გაიმართა. შეხვედრა-ტრენინგს ადამიანური რესურსების მართვის შვედი ექსპერტი უძღვებოდა. მსგავსი შეხვედრები უახლოეს დღეებში ზუგდიდსა და ბათუმშიც გაიმართება. წყარო: ორგანიზაციის გვერდი სოციალურ ქსელში

თბილისი. ქალთა საინფორმაციო ცენტრი პროექტის – „გენდერული სამართლიანობა ქალთა პოლიტიკური თანამონაწილეობის გაძლიერების გზით" – ფარგლებში 24 სექტემბერს შეხვედრა გაიმართა. კოალიციის „ქალთა პოლიტიკური ჩართულობისათვის" წევრები პრემიერ მინისტრის თანაშემწეს ადამიანის უფლებების და გენდერული თანასწორობის საკითხებში, თამარ ჩუგოშვილს, რეგიონული განვითარებისა და ინფრასტურქტურის მინისტრის მრჩეველს გენდერის საკითხებში, კახაბერ ცეცხლაძეს და გორის მუნიციპალიტეტის საკრებულოს მრჩეველს გენდერულ საკითხებში, მანანა ილურიძეს შეხვდნენ. წყარო: ორგანიზაციის გვერდი სოციალურ ქსელში

იმერეთი. სამეცნიერო ინტელექტუალურმა კლუბმა, „თაობათა დიალოგმა", 24 სექტემბერს პროექტების „Last Call”–ისა და „ANTI BET”-ის პრეზენტაცია, ქუთაისის დემოკრატიული ჩართულობის ცენტრში გამართა. როგორც შეხვედრაზე გახდა ცნობილი, „Last Call”-ის ფარგლებში შექმნილია საკონსულტაციო ცხელი ხაზი, სადაც არასრულწლოვნებს, მათ მშობლებსა და მეგობრებს შუძლიათ დარეკონ და მიიღონ უფასოდ იურიდიული, ფსიქოლოგიური, ასევე პედაგოგიური დახმარება. რაც შეეხება მეორე პროექტს, „ANTI BET” - ეს არის აზარტული თამაშების წინააღმდეგ ბრძოლის კამპანია, რომელიც „თაობათა დიალოგმა" რამდენიმე თვის წინ დაიწყო და როგორც მისი წარმომადგენლები აცხადებენ, სავარაუდოდ მომავალშიც გაგრძელდება. შეხვედრაზე ასევე წარმოდგენილი იყო სოციალური კვლევა, რომელიც ორგანიზაციამ საჯარო სკოლების დახმარებით, 18 წლამდე მოზარდებში ჩაატარა. კვლევის მიზანს წარმოადგენდა გაერკვია, თუ რა სიტუაციაა სკოლებში აზარტულ თამაშებზე დამოკიდებულების კუთხით.

კახეთი. მომსახურების უზრუნველმყოფთა ასოციაციამ, თელავის დემოკრატიული ჩართულობის ცენტრში, ტრენინგი გენდერული ბიუჯეტების შესახებ ჩაატარა. ღონისძიების ორგანიზატორების თქმით, ტრენინგი საჯარო მოსამსახურეებისთვის ტარდება და მიზნად ისახავს გენდერული ბიუჯეტების შესახებ საკითხების საზოგადოებაში პოპულარიზაციას.

25 სექტემბერს, 16:00 საათზე ორგანიზაცია დავითიანნის კინოკლუბი „მზესუმზირა" მოხუცთა თავშესაფარის „ბეთლემის" ბენეფიციარებს ესტუმრებიან. გაიმართება კინოჩვენება და მისი განხილვა. მისამართი: თბილისი, დიდი დიღომი, ზურგოვანის დასახლება

25 სექტემბერს, 13:00 საათზე ორგანიზაცია „კონსტიტუციის 42–ე" მუხლი გამართავს მრგვალ მაგიდას საგადასახადო სამართალში არსებულ პრობლემებზე. მისამართი: თბილისი, შავთელის 13, სასტუმრო „ამბასადორი"