თბილისი. ადამიანის უფლებების განვითარების ფონდი იწყებს კამპანიას „შენ მარტო არ ხარ". „ვისაც შვილი მარტოს არ გაუზრდია, რთულად მიხვდა, რა მნიშვნელობა აქვს სხვების მხარდაჭერას და იმის გაცნობიერებას, რომ შენ მარტო არ ხარ. კამპანიის ფარგლებში, შევეცდებით, ყველა მარტოხელა მშობელს მივაწვდინოთ ხმა და ვუთხრათ, რომ ისინი რეალურად მარტო არ არიან - მათ გვერდით ვართ ჩვენ, მათ გვერდით ხართ თქვენ, მათ გვერდითაა საზოგადოება. ვისაც გსურთ, კამპანიას შემოუერთდეთ, მოგვწერეთ ან დაგვიკავშირდით შემდეგ ნომრებზე: 591 600 117; 2 477 566", ნათქვამია ორგანიზაციის ვებგვერდზე სოციალურ ქსელში. წყარო: ორგანიზაციის ვებგვერდი სოციალურ ქსელში

თბილისი. 2018 წლის აპრილში საქართველოს სახალხო დამცველმა, კონფლიქტით დაზარალებული მოსახლეობის უფლებების დაცვის მიმართულებით თავდაუზოგავი საქმიანობისთვის, ახალგორელი აქტივისტი თამარ მეარაყიშვილი წარადგინა გაეროს პრიზზე ადამიანის უფლებათა სფეროში და ვაცლავ ჰაველის ადამიანის უფლებათა პრიზზე. აქტივისტი და ბლოგერი თამარ მეარაყიშვილი, საკუთარი სიცოცხლის, უსაფრთხოებისა და ჯანმრთელობის რისკის ფასად, ასაჯაროებს ოკუპირებულ ახალგორში შექმნილ მძიმე უფლებრივ მდგომარეობას და დე ფაქტო ხელისუფლების მიერ ადგილობრივი მოსახლეობის უფლებათა დარღვევის შემთხვევებს. სრულად  წყარო: ორგანიზაციის ვებგვერდი

თბილისი. 26 აპრილს საქართველოს სახალხო დამცველმა ევროპარლამენტში ასოცირების საპარლამენტო კომიტეტის მეექვსე სხდომაზე ოკუპირებულ ტერიტორიებზე ადამიანის უფლებათა დაცვის მდგომარეობის შესახებ ისაუბრა. მან ხაზი გაუსვა არჩილ ტატუნაშვილისა და გიგა ოთხოზორიას მკვლელების დასჯის აუცილებლობას. სახალხო დამცველმა, ასევე, ისაუბრა: მართლმსაჯულების სისტემის რეფორმის აუცილებლობის, სამართალდამცავთა მხრიდან არასათანადო მოპყრობის ფაქტების გამოძიების ხარვეზების, პენიტენციურ სისტემაში მიმდინარე რეფორმების, ქალთა მიმართ ძალადობისა და თანასწორობის საკითხების, შრომის უფლებების, სიტყვისა და გამოხატვის თავისუფლების მდგომარეობის შესახებ. სრულად  წყარო: ორგანიზაციის ვებგვერდი

თბილისი. 23 აპრილს, თბილისის ერთ-ერთი სკოლის სამეურვეო საბჭომ მასწავლებლის მხრიდან მოსწავლეზე განხორციელებული ძალადობის ფაქტი განიხილა და დირექტორის გადაწყვეტილება, მასწავლებლის გათავისუფლების შესახებ ძალაში დატოვა. „მასწავლებლის ძალადობრივი ქმედება გამოიხატა იმაში, რომ იგი მოსწავლეს ხელით შეეხო (ფიზიკური შეურაცხყოფა), რათა მოსწავლეს აღარ გაეგრძელებინა დავალების წიგნიდან გადაწერა. შეხებამ მოსწავლეს მიაყენა ტკივილი, შეულახა ღირსება და გამოიწვია ემოციური სტრესი", ნათქვამია ორგანიზაციის ვებგვერდზე. სრულად... წყარო: phrgeorgia.wordpress.com

თბილისი. 24 აპრილს, თბილისის საქალაქო სასამართლომ, დააკმაყოფილა EMC-ის სარჩელი შინაგან საქმეთა სამინისტროს გენერალური ინსპექციის წინააღმდეგ და სამინისტროს საკუთარი თანამშრომლების მიმართ ხელახალი დისციპლინური წარმოების ჩატარება დაავალა. „ადამიანის უფლებების სწავლებისა და მონიტორინგის ცენტრი"(EMC) შინაგან საქმეთა სამინისტროს წინააღმდეგ დავაში იცავს დაზარალებული ჯ.ს.-ს ინტერესებს. „დაზარალებული 2017 წლის ოქტომბერში, ქუჩაში გააჩერა და გამოკითხა დაახლოებით ხუთმა სამართალდამცველმა. განსაკუთრებით საყურადღებოა, რომ ყოველგვარი დასაბუთებისა და ახსნა-განმარტების გარეშე, პოლიციელებმა მოქალაქეს გადაუღეს ფოტოები და დაახლოებით 30 წუთის განმავლობაში, სასამართლოს განჩინების და გამოძიების დადგენილების გარეშე, ჩხრეკდნენ მის საცხოვრებელ ბინას", ნათქვამია ორგანიზაციის ვებგვერდზე. სრულად... წყარო: emc.org.ge

თბილისი. დღეს დაიწყო და სამი დღე გაგრძელდება სახალხო დამცველის მიერ მხარდაჭერილი ტრენინგი თემაზე – „ლტოლვილთა საერთაშორისო სამართალის და საერთაშორისო დაცვის საკითხები". ტრენინგი სახალხო დამცველის ადამიანის უფლებათა აკადემიისა და „სახალხო დამცველის აპარატის მხარდაჭერა თავშესაფრის მაძიებელთა და საერთაშორისო დაცვის მქონე პირთა მდგომარეობის შესწავლაში" პროექტის ფარგლებში იმართება და მას საქართველოს სხვადასხვა უმაღლესი სასწავლებლის სამართლისა და საერთაშორისო სამართლის ფაკულტეტის 16 სტუდენტი ესწრება. სრულად  წყარო:’ ორგანიზაციის ვებგვერდი

თბილისი. „კოალიცია თანასწორობისთვის" ეხმიანება საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის მიერ რელიგიური გრძნობების შეურაცხყოფის კრიმინალიზების თაობაზე საკანონმდებლო ინიციატივის მხარდაჭერას. კოალიცია მოუწოდებს საქართველოს პარლამენტს სათანადო გულისხმიერებით დაიცვას დემოკრატიის ფუნდამენტური პრინციპები და არ დაუშვას სიტყვის და გამოხატვის თავისუფლებასთან დაკავშირებული კანონმდებლობის გაუარესება. „მიგვაჩნია, რომ პატრიოტთა ალიანსის წევრის, დეპუტატის ე. კვიციანის მიერ წარმოდგენილი საკანონმდებლო ინიციატივა სრულად უგულველყოფს გამოხატვის თავისუფლებასთან დაკავშირებულ საერთაშორისო და ეროვნულ სამართლებრივ სტანდარტებს და ადამიანის უფლებათა დაცვისა და სამოქალაქო ინტეგრაციის კომიტეტის მიერ მისი პრინციპული მხარდაჭერა ადამიანის უფლებათა ფუნდამენტური პრინციპების იგნორირება და დომინანტი რელიგიური ინსტიტუციის მიმართ პოლიტიკური ლოიალობის ღია გამოხატვის კიდევ ერთი მცდელობაა", - ვკითხულობთ განცხადებაში. სრულად  წყარო: https://emc.org.ge

თბილისი. 2018 წლის 16 აპრილს სახალხო დამცველმა წინადადებით მიმართა საქართველოს მთავრობას, მცირე საოჯახო ტიპის ბავშვთა სახლებში მცხოვრებ ბენეფიციართა, სრულწლოვანების მიღწევის შემდეგ, სათანადო მომსახურებით უზრუნველყოფის შესახებ. საქართველოს სახალხო დამცველის მიერ მცირე საოჯახო ტიპის სახლებში ჩატარებულმა მონიტორინგმა გამოკვეთა, რომ ერთ-ერთ მნიშვნელოვან გამოწვევად, წლების განმავლობაში, რჩება არასრულწლოვნების დამოუკიდებელი ცხოვრებისთვის მომზადებისა და მცირე საოჯახო ტიპის სახლების მომსახურებიდან გასული 18 წლის პირების უფლებების დაცვის საკითხი. ხშირ შემთხვევაში, 18 წლის ახალგაზრდა ადამიანი ზრუნვის სისტემას დამოუკიდებელი ცხოვრებისთვის მოუმზადებელი ტოვებს - არ არის დასაქმებული, არ აქვს თავისი ინტერესების შესაბამისი პროფესია, არ არის უზრუნველყოფილი საცხოვრებლით. სახელმწიფოს ამ დრომდე არ აქვს მომსახურებიდან გასული 18 წლის პირების მხარდაჭერის კონკრეტული სერვისი, რაც მორგებული იქნება მათ ბაზისურ საჭიროებებზე, რათა მიეცეთ განათლების მიღების შესაძლებლობა და დაცული იყვნენ სიღარიბის, ძალადობისა და სხვა საფრთხეებისგან. სრულად  წყარო: ორგანიზაციის ვებგვერდი

თბილისი. სამოქალაქო პლატფორმა „არა-ფობიას!" განცხადებას ავცელებს რელიგიური გრძნობების შეურაცხყოფისათვის დასჯადობის შესახებ ინიციატივის თაობაზე. „უკიდურესად შემაშფოთებელია საქართველოს პარლმენტის წევრის ემზარ კვიციანიის მიერ პარლამენტში წარდგენილი ინიციატივა, რომელიც „რელიგიური გრძნობების შეურაცხყოფისათვის" სისხლის სამართლებრივ პასუხისმგებლობას ითვალისწინებს. ამგვარი ინიციატივა წინააღმდეგობაში მოდის გამოხატვის თავისუფლების, როგორც კონსტიტუციურ, ისე საერთაშორისო სტანდარტებთან და წარმოადგენს საზოგადოებაში კრიტიკული აზრის ჩახშობის მცდელობას. განსაკუთრებით საგანგაშოა ის ფაქტი, რომ აღნიშნულ იდეას მხარი დაუჭირა ადამიანის უფლებათა დაცვის და სამოქალაქო ინტეგრაციის კომიტეტმა და მისმა თავმჯდომარემ. სამწუხაროა, რომ ადამიანის უფლებათა დაცვის კომიტეტი, რომელიც უპირველეს ყოვლისა ქვეყანაში უმცირესობათა უფლებების დაცვის კუთხით სახელმწიფოს ძირითად პოლიტიკას უნდა გეგმავდეს და ზრუნავდეს მათ მიერ კონსტიტუციური უფლებებით სარგებლობის შესაძლებლობაზე (მათ შორის ამ მიმართულებით არსებული სისტემური პრობლემების გადაჭრაზე), უმცირესობათა უფლებების შეზღუდვის და საზოგადოებაში ჯანსაღი კრიტიკის ჩახშობის ხელშემწყობად გვევლინება", ნათქვამია განცხადებაში. ორგანიზაციები მოუწოდებენ პარლამენტს და ადამიანის უფლებათა დაცვის კომიტეტს არც ამ ფორმით და არც რაიმე სხვა ფორმით არ დაუჭიროს მხარი წარდგენილ ინიციატივას. სრულად... წყარო: article42.ge

თბილისი. ქალთა ინიციატივების მხარდამჭერი ჯგუფი (WISG) გენდერის კვლევის სამაგისტრო პროგრამის ლექტორის, ნარგიზა არჯევანიძის საინტერესო მოხსენების ჩანაწერს ავცელებს. „მოხსენება შეეხება 80-იანი წლებიდან ნარატივის, ცხოვრებისეული, პირადი ამბის გადმოცემის სხვადასხვა ჟანრის მიმართ მზარდ ინტერესს და ამის მიზეზებს, როგორც აკადემიაში, ისე მის გარეთ, ე.წ. ნარატივისკენ შემობრუნებას ("narrative turn”) განსაკუთრებით სოციალურ მეცნიერებებში, რაც ინტელექტუალური, სოციალური, კულტურული ცვლილებების და განსაკუთრებით კი რეპრეზენტაციის კრიზისს უკავშირდებოდა", ნათქვამია ლექციის აღწერაში. წყარო: ორგანიზაციის ვებგვერდი სოციალურ ქსელში

თბილისი. 2018 წლის 24 აპრილს, თბილისის საქალაქო სასამართლომ, დააკმაყოფილა „ადამიანის უფლებების სწავლებისა და მონიტორინგის ცენტრის" (EMC) სარჩელი შინაგან საქმეთა სამინისტროს გენერალური ინსპექციის წინააღმდეგ და სამინისტროს საკუთარი თანამშრომლების მიმართ ხელახალი დისციპლინური წარმოების ჩატარება დაავალა. „ადამიანის უფლებების სწავლებისა და მონიტორინგის ცენტრი"(EMC) შინაგან საქმეთა სამინისტროს წინააღმდეგ დავაში იცავს დაზარალებული ჯ.ს.-ს ინტერესებს. დაზარალებული 2017 წლის ოქტომბერში, ქუჩაში გააჩერა და გამოკითხა დაახლოებით ხუთმა სამართალდამცველმა. განსაკუთრებით საყურადღებოა, რომ ყოველგვარი დასაბუთებისა და ახსნა-განმარტების გარეშე, პოლიციელებმა მოქალაქეს გადაუღეს ფოტოები და დაახლოებით 30 წუთის განმავლობაში, სასამართლოს განჩინების და გამოძიების დადგენილების გარეშე, ჩხრეკდნენ მის საცხოვრებელ ბინას. სრულად  წყარო: ორგანიზაციის ვებგვერდი

თბილისი. სამართლიანი არჩევნებისა და დემოკრატიის საერთაშორისო საზოგადოება (ISFED) აქვეყნებს პოლიტიკის დოკუმენტს: რელიგიურ საკითხებთან დაკავშირებული გამოხატვის შეზღუდვის შესაძლებლობები საქართველოში. დოკუმენტის მიზანია მიმოიხილოს რელიგიურ საკითხებთან დაკავშირებული გამოხატვის რეგულირების პრაქტიკა და რეკომენდაციები წარუდგინოს საქართველოს ხელისუფლებას. სრულად... წყარო: www.isfed.ge

თბილისი. კავშირი „საფარი" აქვეყნებს მაია ცირამუას ტრეინინგის ვიდეო ჩანაწერს: „დისკრიმინაციული სტერეოტიპები და დისკრიმინაცია სკოლაში". წყარო: sapari.ge

თბილისი. საქართველოს სახალხო დამცველმა, ზოგადი საგანმანათლებლო დაწესებულებების მიერ რეფერირების პროცედურის დარღვევის ფაქტებთან დაკავშირებით, საქართველოს განათლებისა და მეცნიერების სამინისტროს რეკომენდაციით მიმართა. „საქართველოს სახალხო დამცველის აპარატის გენდერული თანასწორობის დეპარტამენტმა არაერთი ადრეულ ასაკში ქორწინების/ნიშნობის საქმე შეისწავლა, როდესაც ზოგადი საგანმანათლებლო დაწესებულებები ინფორმირებულნი იყვნენ ქორწინების/ნიშნობის ფაქტის შესახებ, თუმცა პასუხისმგებელი სახელმწიფო უწყებებისთვის არ მიუმართავთ. მიუხედავად იმისა, რომ ადრეულ ასაკში ქორწინება არღვევს ბავშვის ჯანმრთელობის, განათლების, თანასწორობის, ძალადობისა და ექსპლუატაციისგან თავისუფალ გარემოში ცხოვრების უფლებას, ქორწინების ნებაყოფლობითობის, ტრადიციული ფაქტორისა თუ წყვილის თანაცხოვრების მიზეზით, არასრულწლოვანის ინტერესების დასაცავად ხშირ შემთხვევებში არანაირი ღონისძიებები არ ტარდება", - აღნიშნულია რეკომენდაციაში.   სრულად წყარო: ორგანიზაციის ვებგვერდი

თბილისი. EMC-მ საკონსტიტუციო სასამართლოს წარუდგინა "სასამართლოს მეგობრის” მოსაზრება, მოქალაქის კონსტიტუციურ სარჩელში სადავოდ გამხდარი ელექტროენერგიის, დასუფთავების ან/და წყალმომარაგების მომსახურებების საფასურის გადაუხდელობის მარეგულირებელი წესის კონსტიტუციურობის თაობაზე. კონსტიტუციური სარჩელი სადავოდ ხდის წესს, რომელიც ელექტროენერგიის გამანაწილებელ კომპანიებს (სს „თელასი" და სს „ენერგო-პრო ჯორჯია") ავალდებულებს მომხმარებელს შეუწყვეტოს თავისი მომსახურება, იმ შემთხვევაში თუ პირს დასუფთავების ან/და წყალმომარაგების მომსახურებების საფასური არ გადაუხდია. EMC მიიჩნევს, რომ აღნიშნული წესი წინააღმდეგობაშია კონსტიტუციის მე-17 მუხლით განმტკიცებულ ღირსების დაცვის სტანდარტთან, რადგან სახელმწიფო ზომებს იღებს მომსახურებების მომწოდებელი კომპანიების მიერ „ვალის ამოღებისთვის” ისეთი პირველადი რესურსის შეწყვეტით, როგორიც ელექტროენერგიაა, მაშინ, როდესაც პირს ამ უკანასკნელი მომსახურების საფასური გადახდილი აქვს. ამასთან, გასაჩივრებული წესით ელექტროენერგიის გათიშვა დასუფთავების და წყალმომარაგების საფასურის გადაუხდელობის გამო, ყოველგვარი გამონაკლისისა და დამცავი მექანიზმების გარეშე ხორციელდება. სრულად  წყარო: ორგანიზაციის ვებგვერდი

თბილისი. „საქართველოს დემოკრატიულმა ინიციატივამ” ქუთაისის სააპელაციო სასამართლოს, ირაკლი ჩხვირკიას სისხლის სამართლის საქმეზე, სასამართლოს მეგობრის (Amicus Curiae) მოსაზრებით მიმართა. „ბათუმის საქალაქო სასამართლოს 2018 წლის 10 იანვრის განაჩენით, ირაკლი ჩხვირკია, 2017 წლის 11-12 მარტს ბათუმში განვითარებულ მოვლენებთან დაკავშირებით, დამნაშავედ იქნა ცნობილი ჯგუფური მოქმედების ორგანიზებაში და სასჯელის სახედ და ზომად ერთი წლითა და 6 თვით თავისუფლების აღკვეთა განესაზღვრა. 2018 წლის 06 მარტს ჩხვირკია პატიმრობიდან ვადაზე ადრე გათავისუფლდა, თუმცა, მისი საჩივრის განხილვა ქუთაისის სააპელაციო სასამართლოში დღემდე გრძელდება. GDI-ს მიაჩნია, რომ ქმედების ჯგუფური მოქმედების ორგანიზებად კვალიფიკაცია, ისე რომ, მსჯავრდებულს, ჯგუფის წევრებსა და მათ ქმედებებს შორის რაიმე სახის კავშირი არ იკვეთებოდეს გაუმართლებელია. შესაბამისად, მიგვაჩნია, რომ GDI-ს მოსაზრება დაეხმარება სასამართლოს განსახილველი საკითხის სათანადოდ შეფასებაში”, ნათქვამია ორგანიზაციის ვებგვერდზე. სრულად... წყარო: gdi.ge

თბილისი. საქართველოს სახალხო დამცველმა საბავშვო ბაღ „W. P-ს", ქცევის ნიშნით აღქმითი პირდაპირი დისკრიმინაციის დადგენის შესახებ, რეკომენდაციით მიმართა. არსებული ინფორმაციით, 2 წლის ბავშვი საბავშვო ბაღიდან იმიტომ გარიცხეს, რომ ადმინისტრაციამ ის ჰიპერაქტიურად მიიჩნია და ჩათვალა, რომ სხვა აღსაზრდელებთან ერთად ჯგუფში მუშაობა არ შეეძლია. საქმის გამოკვლევის შედეგად სახალხო დამცველმა მიიჩნია, რომ საბავშვო ბაღის ადმინისტრაციამ არ გაატარა ყველა საჭირო ღონისძიება, რომელიც განმცხადებლის შვილის სხვა აღსაზრდელებთან ინტეგრაციას შეუწყობდა ხელს. სრულად  წყარო ორგანიზაციის ვებგვერდი

20 აპრილს, ამერიკის შეერთებული შტატების სახელმწიფო დეპარტამენტმა გამოაქვეყნა ადამიანის უფლებათა მდგომარეობის შესახებ 2017 წლის ანგარიში, რომლშიც საქართველოს შესახებ ინფორმაციასაც მოიცავს. კერძოდ, ანგარიშში ვრცლად არის ასახული საქართველოში ადამიანის უფლებათა სფეროში არსებული ის დარღვევები, რომელიც ბავშვებს, ქალებსა და შეზღუდული შესაძლებლობის მქონე პირების მდგომარეობას ეხება. სრულად წყარო: phrgeorgia.wordpress.com

თბილისი. საქართველოს ახალგაზრდა იურისტთა ასოციაციის წარმომადგენლებმა შეხვედრა გამართეს თეთრიწყაროს რაიონის სოფელ კოდის დევნილთა დასახლების სათემო ცენტრში, 2008 წლის აგვისტოს ომის შედეგად დაზარალებულ პირებთან. შეხვედრა შეეხებოდა სისხლის სამართლის საერთაშორისო სასამართლოს მიერ ომის დროს ჩადენილი დანაშაულების გამოძიებას, რომელიც სასამართლოს პროკურორის ოფისმა 2 წლის წინ დაიწყო. ორგანიზაციის წარმომადგენლებმა ინდივიდუალურად გამოკითხეს დასახლებაში მცხოვრები დევნილები სპეციალურად შედგენილი კითხვარების მეშვეობით. აღნიშნული მიზნად ისახავს დევნილთა ამჟამინდელი საჭიროებებისა და პრობლემების გამოკვლევას და მიღებული ინფორმაციის საფუძველზე სპეციალური ანგარიშის მომზადებას, რომელშიც ომიდან 10 წლის შემდეგ დევნილთა არსებული მდგომარეობა იქნება ასახული. შეგროვებული ინფორმაცია ანალიტიკური დამუშავების შემდეგ მიეწოდება სისხლის სამართლის საერთაშორისო სასამართლოს სხვადასხვა ორგანოებსა და დაზარალებულთა ნდობის ფონდს. სრულად  წყარო: ორგანიზაციის ვებგვერდი

თბილისი. საქართველოს სახალხო დამცველი ეხმიანება სოციალურ ქსელებში გავრცელებულ ვიდეოჩანაწერს, რომელშიც არასრულწლოვნის მიმართ ძალადობისა და ბულინგის ფაქტი იკვეთება. ვიდეო გადაღებულია ბავშვების მიერ და მოიცავს ბავშვის მიმართ სასტიკ დამოკიდებულებას, მუქარას, შეუსაბამო სიტყვებსა და ქმედებებს. „კადრებში ნათლად ჩანს არასრულწლოვნის სახე, შესაბამისად, შესაძლებელია მისი იდენტიფიცირება, რაც არღვევს ბავშვის პირადი ცხოვრების ხელშეუხებლობის უფლებას და საფრთხეს უქმნის მის ფსიქო-ემოციურ მდგომარეობას. ჩვენს ხელთ არსებული მონაცემებით, ვიდეო ფართოდ ვრცელდება სოციალურ ქსელებში, რაც სახალხო დამცველს ყოვლად დაუშვებლად მიაჩნია", - ნათქვამია განცხადებაში. სრულად  წყარო: ორგანიზაციის ვებგვერდი

თბილისი. საქართველოს სახალხო დამცველმა დღეს შეზღუდული შესაძლებლობის მქონე პირთა დასაქმების ხელშემწყობი სახელმწიფო პროგრამების მონიტორინგის ანგარიში წარმოადგინა. სახალხო დამცველის სპეციალურ ანგარიშში შეფასებული და გაანალიზებულია მოქმედი ნორმატიული ბაზა, მათ შორის მთავრობის დადგენილებით დამტკიცებული სამი სახელმწიფო პროგრამა, ასევე საქართველოს შრომის, ჯანმრთელობისა და სოციალური დაცვის სამინისტროდან და სსიპ სოციალური მომსახურების სააგენტოდან მიღებული ინფორმაცია. დოკუმენტში საქართველოს სხვადასხვა ქალაქებში შშმ პირებთან გამართული შეხვედრების შედეგებიც არის ასახული. სახალხო დამცველის შეზღუდული შესაძლებლობის მქონე პირთა უფლებების დაცვის დეპარტამენტმა მონიტორინგის შედეგად დაადასტურა, რომ მიუხედავად სახელმწიფოს გაცხადებული ნებისა – უზრუნველყოს შეზღუდული შესაძლებლობის მქონე პირთა დასაქმება და რიგი პროგრამების არსებობისა, სათანადო სამართლებრივი გარანტიების, პრაქტიკული ხელშეწყობისა და აღსრულების ეფექტური მექანიზმების ნაკლებობის გამო, შეზღუდული შესაძლებლობის მქონე პირთა შრომის უფლების რეალიზება სათანადოდ არ ხდება. სრულად  წყარო: ორგანიზაციის ვებგვერდი

თბილისი. ორგანიზაცია „პარტნიორoბა ადამიანის უფლებებისთვის" (PHR) სახალხო დამცველს მიმართა. „ორგანიზაცია დისკრიმინაციულად მიიჩნევს საქართველოს შრომის, ჯანმრთელობისა და სოციალური დაცვის მინისტრის 2001 წლის ბრძანებას. მისი მიხედვით,  ზოგადსაგანმანათლებლო დაწესებულების ყველა სართულზე უნდა არსებობდეს ტუალეტები ბიჭებისა და გოგონებისათვის, რომელსაც უნდა ჰქონდეს კარებიანი კაბინები (ჩამკეტის გარეშე)", ნათქვამია ორგანიზაციის ვებგვერდზე. სრულად... წყარო: phrgeorgia.wordpress.com